سەرۆکی ئەمریکا رایگەیاند، ئەو هەواڵە ساختانەی باس لە وەستانی دانوستانی نێوان ئەمریكا و ئێران دەكەن درۆ و چەواشەکارانەن.
ئاوێنە: دۆناڵد ترەمپ، سەرۆكی ئەمریكا لە پلاتفۆڕمی "تروس سۆشیاڵ" نوسیویەتی "ئەو هەواڵە ساختانەی بانگەشەی ئەوە دەکەن پەیوەندی نێوان کۆماری ئیسلامی ئێران و ویلایەتە یەکگرتووەکانی ئەمریکا چەند رۆژێكە وەستاوە، درۆ و چەواشەکارانەن".
وتوشیەتی "گفتوگۆکانمان بەردەوامن، بەوانەی چوار رۆژ لەمەوبەر و سێ رۆژ لەمەوبەر و دوو رۆژ لەمەوبەر و رۆژێک لەمەوبەر و ئەمڕۆ ئەنجامدراون".
لەبارەی دانوستانەوە سەرۆکی ئەمریکا دەڵێت "کەس نازانێت ئەم گفتوگۆیانە بەرەو کوێ دەڕۆن، بەڵام وەک بە ئێرانم وت: کاتی ئەوە هاتووە، درەنگ یان زوو، بگەینە رێککەوتن. ئێوە ٤٧ ساڵە ئەم کارە دەکەن و ناتوانرێت ڕێگە بدرێت ئەم دۆخە بەردەوام بێت!".