سەرۆکی ئەمریکا ئاماژە بەوەدەکات کە گەمارۆکان تا مانگی ئەیلوول بەردەوام نابن و تاران دەبێت لە نێوان ڕێککەوتن یان رووبەڕووبوونەوەی ڕێگایەکی "یەکجار ناخۆش" ـدا یەکێکیان هەڵبژێرێت.
ئاوێنە: دۆناڵد ترەمپ، سەرۆکی ئەمریکا لە پەیامێکی نوێدا بۆ سەرکردەکانی تاران وتی "ئێرانییەکان سەرەڕای ئەوەی هێشتا خۆیان بە بەهێز دەزانن، بەڵام هیچ بژاردەیەکی تریان نییە و ناچارن مەرجەکانی واشنتن قبوڵ بکەن".
وتیشی "دۆسیە ئاڵۆزەکان کاتیان دەوێت و ئەم شەڕە هێشتا لە مانگی چوارەمی دایە".
بەپێی ئامارەکانی سەرۆکی ئەمریکا، کارگەکانی دروستکردنی درۆن و سەکۆکانی هەڵدانی مووشەکی ئێران وێران کراون و تەنیا 21 بۆ 22%ـی توانا سەربازییەکانی ئەو وڵاتە ماوەتەوە.
وەک ترەمپ دەڵێت "هێشتا ئەم ڕێژە کەمەش مەترسیدارە، بەتایبەت دوای هێرشەکانی ئەم دواییەی سەر کەنداو و فڕۆکەخانەی کوەیت".
"چیتر کات بۆ تاران نەماوە و دەبێت بڕیاری یەکلاکەرەوە بدەن". سەرۆکی ئەمریکا وای وت