سی ئێن ئێن ئاماژە بەوە دەکات کە تا ئێستا دۆناڵد ترەمپی سەرۆکی ئەمریکا ٣٧ جار بانگەشەی ئەوەی کردووە کە ڕێککەوتن لەگەڵ ئێران "زۆر نزیک‌و لەئانوساتدایە".

ئاوێنە: دۆناڵد ترەمپ لە مانگی ئازارەوە لانیکەم ٣٧ جار ڕایگەیاندووە کە ئەمریکا زۆر نزیکە لە ڕێککەوتن لەگەڵ ئێران، بەڵام تا ئێستا ڕێککەوتنەکە یەکلایی نەبووەتەوە.

لە ٧ی نیساندا ترەمپ ئاگربەستی ڕاگەیاند و پێشبینی کردبوو لە ماوەی دوو هەفتەدا ڕێککەوتنێک یەکلایی بکرێتەوە، ئەمەش ڕووی نەدا.

سەرەڕای لێدوانی بەردەوامی گەشبینی و پێشبینییەکانی سەبارەت بەوەی وا خەریکە دەگەنە ڕێککەوتنێک، بەڵام تا ئێستا دانوستانەکان هیچ ئەنجامێکیان نەبووە.

ترەمپ دانی بەوەدانا کە پێشبینییەکانی پێشووی سەبارەت بە ڕێککەوتنەکە نەهاتۆتە دی، بەڵام بەردەوام بوو لەسەر ئەوەی کە ڕێککەوتنێک نزیکە.

پێدەچێت تێوەگلانی ئیسرائیل و ململانێ نوێیەکان کاریگەری نەرێنی لەسەر ئاسۆی تەواوکردنی ڕێککەوتنەکە هەبێت.

زیاتر لە دوو مانگ تێپەڕیوە بەسەر ڕاگەیاندنی ئاگربەستی دۆناڵد ترەمپ، سەرۆکی ئەمریکا لەگەڵ ئێران و لەو کاتەدا ڕایگەیاندبوو، هەردوولا لە ڕێککەوتنێک نزیک بوون.

ترەمپ لە ٧ی نیساندا لە سۆشیال میدیا ڕایگەیاند کە "پێشکەوتنی زۆریان بەدەستهێناوە" بەڵام پێویستیان بە دوو هەفتەیە بۆ "کۆتاییهێنان و تەواوکردنی ڕێککەوتنەکە". لە کۆتاییدا وتی “شانازی دەکەین کە ئەم کێشە لەمێژینەیە نزیکە لەچارەسەرکردن.”

بە پێی شیکارییەکی سی ئێن ئێن، ترەمپ لەمانگی ئازارەوە لانیکەم ٣٧ جار ڕایگەیاندووە کە ئەمریکا زۆر نزیکە لە ڕێککەوتن لەگەڵ ئێران یان تاران “سواڵ دەکات” بۆ سازشکردن. ئەوە چەند جارە ڕاستەوخۆ وتوویەتی - لە پۆستەکانی سۆشیال میدیا، یان لەدەرکەوتنی لەبەردەم رۆژنامەنووسان‌و پەیوەندییە تەلەفۆنییەکان لەگەڵ میدیاکاندا - کە گرێبەستێک نزیکە یان ئێران بێهیوا بووە لە تەواوکردنی گرێبەستێک.

وەک تۆڕە ئەمریکییەکە تۆماری دەکات، یەکەم پێشبینییە دووبارەبووەکانی ترەمپ بۆ ئاشتی لە ٢٣ی ئازاردا بوو ، کەمتر لە مانگێک دوای دەستپێکردنی ململانێکان. لەو کاتەدا ڕایگەیاند کە "نزیکن لەوەی بگەنە ڕێککەوتنی تەواو" لەنێوان هەردوولادا. لە ڕۆژانی دواتردا قسەکانی گەشبینتر بوو. لە ٢٥ی ئازاردا بانگەشەی ئەوەی کرد کە ئێران "بە نائومێدیەوە دەیەوێت ڕێککەوتنێک بکات"، لەکاتێکدا ڕۆژێک دواتر ڕایگەیاند کە تاران "سواڵ دەکات بۆ ڕێککەوتن".

لە ٢٩ی ئازاردا پێشبینی کردبوو کە لە ماوەی هەفتەی داهاتوودا رێککەوتنێک هەبێت. رێککەوتنەکە هەرگیز نەهات. بەڵام لە ١٥ی نیساندا ڕایگەیاند کە قەیرانەکە "زۆر نزیک بووەتەوە لە کۆتایی"، لە کاتێکدا دوای ڕۆژێک دڵنیایی دا کە "پێدەچێت زۆر ئەگەری ئەوە هەبێت کە ڕێککەوتنێک لەگەڵ ئێراندا ڕووبدات."

لە ٧ی نیساندا کە ئاگربەستی ڕاگەیاند، ترەمپ نووسیبووی کە هەردوولا “زۆر لەیەکتر نزیکن” و تەنیا دوو هەفتەی ماوە بۆ ڕێککەوتن. لەو کاتەدا وتی: "شانازی دەکەم کە ئەم کێشە درێژخایەنە دەبینم کە ئەوەندە نزیکە لە چارەسەرکردن".

رێککەوتنەکە هەرگیز نەهات. بەڵام لە ١٥ی نیساندا ڕایگەیاند کە قەیرانەکە "زۆر نزیکە لەکۆتاییەکەی"، لە کاتێکدا ڕۆژێک دواتر جەختی کردەوە کە "پێدەچێت زۆر ئەگەری ئەوە هەبێت ڕێککەوتنێک لەگەڵ ئێراندا هەبێت."

لە ڕۆژانی دواتردا، ترەمپ دڵنیایی ئەوەی کردەوە کە هەموو شتێک کۆتایی هاتووە: “زۆر باش دەردەکەوێت کە ئێمە ڕێککەوتنێک لەگەڵ ئێران دەکەین، رێککەوتنێکی باشیش دەبێت”، ترەمپ لە 16ی نیساندا بە ڕۆژنامەنووسانی ڕاگەیاند.

تا ١٧ی نیسان، لە سێ دەرکەوتنی جیاوازدا ئیدیعای کردبوو کە ئێران "لەسەر هەموو شتێک ڕێککەوتووە"، کە "پێموایە لە یەک دوو ڕۆژی دواتردا دەگەینە ڕێککەوتنێک" و "پێموانییە جیاوازییەکی بەرچاوی زۆر هەبێت."
وە لە ٢٠ی نیساندا، لە پۆستێکدا لە تۆڕی کۆمەڵایەتی تروس سۆشیال، پێشبینی ئەوەی کرد کە "هەموو شتێک ڕوودەدات، تاڕادەیەک بە خێرایی."

سەرەڕای ئەوەی کە ئەمە سەرکەوتوو نەبوو، ئێران هێشتا لە ٣٠ی نیساندا "دەمرێت بۆ ئەوەی گرێبەستێک بکات " .

ترەمپ بۆ ماوەیەک دوودڵ بوو لە لێدوان لەسەر پێشبینییەکانی، پێش ئەوەی لە 18ی ئایاردا ڕایبگەیەنێت کە هێرشە سەربازییەکان بۆ "دوو سێ ڕۆژ" دوادەخات، لەسەر داوای وڵاتانی ڕۆژهەڵاتی ناوەڕاست، "چونکە پێیان وایە زۆر نزیک دەبنەوە لە ڕێککەوتنێک".

لەم خاڵەدا تەنانەت ترامپ پێدەچوو دان بەوەدا بنێت کە چەند جارێک پێشبینییەکانی لەو جۆرە هەڵە بوون. ترەمپ وتی: “ماوەیەک هەبووە کە پێمان وابوو زۆر نزیک دەبینەوە لە گرێبەستێک و سەرکەوتوو نەبووە”.

ترەمپ لە 19ی ئایاردا لە پیکنیکێکی کۆنگرێسدا وتی “ئێمە زۆر بە خێرایی کۆتایی بەم شەڕە دەهێنین .” تا ٢٣ی ئایار پێشبینی نوێی دەکرد، هەروەک چۆن لە ١٧ی نیساندا کردبووی، وتی ئیدارەی ئەمریکا "زۆر نزیک دەبێتەوە" لە گرێبەستێک کە "زۆر دانوستان لەسەر کراوە و کەوتۆتە کۆتایی". وتی گرێبەستەکە "بەم زووانە" ڕادەگەیەنرێت و "وردەکارییە کۆتاییەکان" تاوتوێ دەکرێن.

لە ٢٨ی ئایاردا، لە چاوپێکەوتنێکدا ئاماژەی بەوە کرد، شتەکان "نزیک بوون لە ڕێککەوتنێکی زۆر باش". و دوێنێ دڵنیایی دا کە ئەوان "زۆر نزیک بوون لە گەیشتن بە ڕێککەوتنێک"، بەڵام ئێران و ئیسرائیل بە تێوەگلان لە ململانێیەکی نوێدا دەیخەنە مەترسییەوە.

لەلێدوانێکیدا بۆ ئاکسیۆس وتی: ئێمە زۆر نزیک بووینەتەوە لە ڕێککەوتنی کۆتایی لەگەڵ ئێران. وتی "گرێبەستێکی باش دەبێت".

لانیکەم ئەوە سێیەم جار بوو کە ترەمپ بە تەنیا بە ئاکسیۆس بڵێت کە ڕێککەوتنێک نزیکە.

پاشان ڕۆژی دووشەممە لە میانی گردبوونەوەیەکدا بۆ سیناتۆر لیندسی گراهام لە کارۆلینای باشوور، ترەمپ جارێکی دیکە پێشبینی "سەرکەوتنی تەواو"ی لە دوو هەفتەی داهاتوودا کرد.

ترەمپ وتی: "ئێمە ئێستا دانوستان دەکەین؛ ئەوان دەیانەوێت گرێبەستێکی زۆر باش بکەن." پاشان زیادی کرد: “ئەوان ئامادەن هەموو شتێکمان پێ بدەن.”