لە هەورامان منداڵێکی تەمەن ١٣ ساڵ بەهۆی تەقەی پاسەوانی سنور بۆسەر ئۆتۆمبێلێکی خێزانەکەی گیانی لەدەستدا.
ئاوێنە: ئێران وایر بڵاویکردەوە، خێزانێک لەکاتی گەڕانەوەیان لە باخەکەی خۆیان لە ناوچەی سنووریی "تەتە"، کەوتوونەتە بەر دەستڕێژی گولـلەی پاسەوانی سنور، ئەو ماڵپەڕە ئاماژە بەوەش دەکات کە هێزەکان گومانی ئەوەیان کردووە ئۆتۆمبێلەکە؛ "ئۆتۆمبێلی قاچاخچییەکان بێت".
ئەوەش خراوەتە روو، بەهۆی دەستڕێژیەکەوە منداڵێکی تەمەن ١٣ ساڵ کە لە پشتی ئۆتۆمبێلەکە بووە، گوللـەی بەرکەوتووە و گیانی لەدەستداوە.
ئەوەش ئاشکراکراوە، کە حکومەتی کوردستان ڕووداوەکەی پشتڕاست کردووەتەوە و ڕایگەیاندووە کەلە ڕێگەی داواکاری گشتی سەربازی و وەزارەتی ناوخۆوە سەرقاڵی لێکۆڵینەوەن لە شێوازی 'ئەم کارەساتە'.
بەپێی ڕاپۆرتی ساڵانەی مافەکانی مرۆڤ لە ئێران، کە لەلایەن یەکەی ئامار بڵاوکردنەوە و بەرهەمەکانی کۆمەڵەی چالاکانی مافی مرۆڤ لە ئێران بڵاوکراوەتەوە، لە ساڵی ٢٠٢٥دا بە گشتی ٣٢ هەزار و ٨٢٠ هاوڵاتی کەوتوونەتە بەر دەستڕێژی گولـلەی هێزە ئەمنییەکان. بەپێی ئەم ڕاپۆرتە، ٦ هەزار و ٨٢٢ کەس لەم تەقەکردنانەدا گیانیان لەدەستداوە، کە پێکهاتوون لە ١٥ کۆڵبەر، ٢٣ سووتەمەنی‌بەر و ٦ هەزار و ٧٨٤ هاوڵاتی دیکە. هەروەها ٢٥ هەزار و ٩٩٨ کەسیش بەهۆی تەقەی هێزە ئەمنییەکانەوە بریندار بوون؛ ئامارێک کە ٢٢ کۆڵبەر، ١٣ سووتەمەنی‌بەر و ٢٥ هەزار و ٩٦٣ هاووڵاتی ئاسایی دەگرێتەوە.