به‌پێی ماڵپه‌ڕی ئه‌لحوڕه، عه‌لی زه‌یدی، سه‌رۆك وه‌زیرانی عێراق داوای لە تاران كردووە هێرش نەكاتە سەر ئەو نەوتهەڵگرانەی بە كرێ نەوتی عێراق بە گەروی هورمزدا دەگوازنەوە، به‌ڵام وه‌ڵامێكی رونی ده‌ست نه‌كه‌وتوه.
ئاوێنه: ماڵپەڕی ئه‌لحوڕه لە زاری سەرچاوە تایبەتەكانیەوە بڵاویكردووەتەوە، عەلی زەیدی، سەرۆک وەزیرانی عێراق، لە میانی سەردانەکەیدا بۆ تاران، داوای لە بەرپرسانی ئێران کردووە، گەرەنتی تێپەڕبوونی سەلامەتی ئەو نەوتهەڵگرانە بکەن کە بەکرێگیراون بۆ گواستنەوەی نەوتی عێراق لە ڕێگەی گەرووی هورمزەوە.
بەگوێرەی ئەو سەرچاوانە، تاران وەڵامێکی روونی نەداوەتەوە نە بە رەزامەندی و نە ڕەتکردنەوە، پێشیانوایە ئێران بە لەبەرچاوگرتنی سەردانەکەی ئەم دواییەی زەیدی بۆ واشنتۆن و واژۆکردنی رێککەوتننامەی حکومەتەکەی لەگەڵ کۆمپانیا ئەمریکییەکان، رەنگە ئێران کاردانەوەی نەرێنی هەبێت بەرامبەر بەو داواکارییە.
داواکارییەکەی عێراق سەبارەت بە هورمز گرنگییەکی تایبەتی هەیە بۆ بەغداد کە پشت بە هەناردەکردنی نەوت دەبەستێت بۆ دابینکردنی زیاتر لە 90%ی داهاتە گشتییەکانی و زۆرینەی ئەو هەناردەکردنانەش بەو گەرووەدا تێدەپەڕن.
پێش جەنگ، عێراق مانگانە نزیکەی 90 ملیۆن بەرمیل لە ڕێگەی گەرووی هورمزەوە هەناردە دەکرد، بە