ترەمپ پشتڕاستیکردەوە کە پێشنیاری ئێران بۆ کردنەوەی هورمز ڕەتکردووەتەوە
  2026-09-26     

دۆناڵد ترەمپ، سەرۆکی ئەمریکا، ڕۆژی شەممە پشتڕاستی کردەوە کە پێشنیاری نوێی ئێران بۆ کردنەوەی گەرووی هورمزی ڕەتکردووەتەوە. هەروەهای لەبارەی سەرۆکوەزیرانی عێراقیش دەڵێت "ئەو هاوڕێی منە و پشتگیرمکرد".

 

ئاوێنە: ترەمپ سەبارەت بە پێشنیارەکەی ئێران بۆ کردنەوەی گەرووی هورمز، لە دەرەوەی کۆشکی سپیدا بە رۆژنامەنوسانی وت "ئەوان پێشنیارێکیان دا، بەڵام منیش ڕەتم کردەوە". وتیشی "ئەوان دەیانەوێت ڕێکەوتنێک بکەن کە بەپێی ئەوە گەرووە دەستبەجێ بکرێتەوە، چونکە بە توندی لە باری شکستدان".

هەروەها سەرۆکی ئەمریکا ڕایگەیاند کە ویلایەتە یەکگرتووەکان "کۆنتڕۆڵی تەواو"ی گەرووی هورمزیان لەژێر دەستدایە.

سەرۆکی ئەمریکا له‌باره‌ی كۆبونه‌وه‌كه‌ی له‌گه‌ڵ عه‌لی زه‌یدی سەرۆکوەزیرانی عێراقیش له ‌نیویۆرك وتی "سه‌رۆكوه‌زیرانی عێراق پیاوێكی ناوازه‌یه‌، هاوڕێی منه‌و پشتگیرم كرد".

جێی ئاماژەیە، ئێران لە پەراوێزی کۆبوونەوەی گشتیی نەتەوە یەکگرتووەکان لە نیویۆرک و بە نێوەندگری قەتەر، پێشنیارێکی پێشکەشی ئەمریکا کردبوو کە ئەگەر واشنتۆن قبوڵی بکردایە، پرۆسەیەکی حەوت ڕۆژە بۆ کردنەوەی گەرووی هورمز و ڕاگرتنی ململانێکان لە ناوچەکە دەستیپێدەکرد.

بەپێی ئەم پێشنیارە، ئێران داوای کۆتاییهێنانی گەمارۆی دەریایی بەندەرەکانی خۆی لەلایەن ئەمریکاوە کردبوو، هەروەها دووبارە دەستپێکردنەوەی گفتوگۆکان سەبارەت بە بەرنامەی ئەتۆمیەکەی تاران.
 

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
ره‌حمان غه‌ریب بۆ میدیاكانی پارتی و یه‌كێتی: شەڕی تۆخكردنی زۆنچێتی و كۆنەقین بوەستێنن
© 2026 Awene Online, Inc. All Rights Reserved.
×