هونەرمەند ئاری بابان كۆچی دوایی كرد
  2020-12-26       1643       

بەرەبەیانی ئەمڕۆ شەممە 26/12/2020 ھونەرمەندی شێوەكار ئاری بابان بەھۆی نەخۆشییەوە لە سلێمانی كۆچی دوایی كرد.

ئاوێنە: هەڤاڵ ئەبوبەكر، پارێزگاری سلێمانی لە پەیامێكی ماتەمینیدا هەواڵی كۆچی دوایی هونەرمەند ئاری بابان-ی پشتڕاستكردۆتەوەو رایگەیاندوە"بەناوی پارێزگای سلێمانییەوە؛ پرسەو ماتەمینیی و پەژارەی خۆمان بۆ کۆچی دوایی هونەرمەندو کەسایەتیی سلێمانی و کوردستان بەڕێز مامۆستا ئاری بابان؛ دەردەبڕین."

ئاری بابان یەكێك بو لە ھونەرمەندە شێوەكارە دیارەكانی كوردستان و چەندین ساڵ لەو بوارە خزمەتی كردوە، ھەروەھا لێپرسراوی پێشوی لقی کەرکووکی ھونەرمەندانی کوردستان بو.

ئاری بابان ساڵی 1953 لە کەرکوک لە دایکبوە، ساڵی 1976 کۆلیژی ئاداب بەشی زانستی کتێبخانەکانی تەواو کردوە، 11 پێشانگای تایبەت بە خۆی ھەبوە زیاتر لە 100 پێشانگای ھاوبەشی کردوەتەوە لە کوردستان و دەرەوەی وڵات، بۆ ماوەیەکیش بەڕێوەبەری گشتی کتێبخانەی سلێمانی بوە.

زۆرترین بینراو
© 2021 Awene Online, Inc. All Rights Reserved.
×