کتێبی «کچانی کۆبانێ» چووە ڕیزی باشترینەکانی وەرزی زستانی ئەمریکا
  2021-02-22       740       

کتێبی «کچانی کۆبانێ» کە باسی ژیانی کچە شەڕڤانەکانی رۆژئاوای كوردستان ده‌كات  به‌رامبه‌ر داعش،  چووە ڕیزی باشترین کتێبەکانی وەرزی ئەمریکاوە.

ئاوێنه‌: کاتێک زۆربەی کەناڵە جیهانییەکان رووماڵی ئەو شەڕە سەختەیان کرد کە لە کۆبانێ‌ روویدا وێنەی کچە شەڕڤانەکان بەشێوەیەکی دەگمەن‌ و جیاواز لە نێوان ساڵی 2014 و 2016 زیادتر بەدەرکەوت و دەیان کتێب و فیلمی سینەمایی و دۆکیۆمێنتار و درامای تەلەفیزیۆنیی لەوبارەوە بەرهەم هێنرا.

ژنە نووسەری کتێبی کچانی کۆبانێ‌ و رۆژنامەنووسی ئەمریکی گایل لیمۆن چەندین جار سەردانی رۆژئاوای كوردستانی کردووە  ئەو ناوچانەی کە ئێستا لەژێر کۆنترۆڵی هێزەکانی سووریای دیموکراتدان‌ و لەگەڵ کچە شەڕڤانەکاندا ژیاوە‌ و چەندین دیدار ‌و گفتوگۆی رۆژنامەوانیی لەگەڵدا کردوون ‌و بەوهۆیەوە ئاگاداری وردەکارییەکانی ژیانیان‌ و بیرکردنەوەیان ‌و نهێنی  بەهێزییان بووە.

 لیمۆن دەڵێت: "کتێبی کچانی کۆبانی، ئەنجامی سەدان کاتژمێر لە چاوپێکەوتنە کە لەگەڵ کچە شەڕڤانەکان‌ و کەسایەتییە شارەزاکانی یەپەژەدا ئەنجامی داون ‌و  لە شێوازی ژیانیانی زۆر بە قووڵی کۆڵیوەتەوە. جگە لە چەندین توێژینەوەی تر کە لە بارەیانەوە ئەنجام دراوە".

ئێستا ئەم کتێبە لە کۆمەڵگای ئەدەبیی ئەمریکادا پێشوازیی بەرچاوی لێکراوە و لەلایەن گۆڤارە بەناوبانگەکانی ئەمریکییەوە خراوەتە لیستی باشترین کتێبەکانی وەرزی زستان.

زۆرترین بینراو
© 2021 Awene Online, Inc. All Rights Reserved.
×