سەرلەبەیانی ئەمڕۆ هەینی، نرخی نەوت لە بازاڕەكانی جیهاندا بەرزبونەوەی بەخۆیەوە بینی.
ئاوێنە: بەپێی داتاکانی بازاڕی جیهانی نەوت، لە ئێستادا نرخی یەك بەرمیل نەوتی خاوی برێنت بە 87 دۆلارو 61 سەنت مامەڵەی پێوەدەكرێت.
هەروەها نرخی یەک بەرمیل نەوتی تەكساس بە 81 دۆلار و 17 سەنت مامەڵەی پێوەدەکرێت.
بوژانەوەی بەهێزی ئابوری ئەمریكا بەشێوەیەكی چاوەڕوان نەكراو، بەرزبونەوەی ئاستی خواستی چین بۆ وزە هاوكات لەگەڵ دابەزینی ژمارەی قوربانیان و توشبوانی كۆرۆنا لەو وڵاتە، هۆكارن بۆ بەرزبونەوەی نرخی نەوت.