محەمەد شیاع سودانی، سەرۆك وەزیرانی عێراق رایگەیاند، جەژنی جەما-ی تایبەت بە ئێزیدییەكان پیرۆز دەكات و لە هەوڵەكانیان بۆ پشتگیریكردن لە مافەكانی پێكهاتەكان بەردەوام دەبن.
ئاوێنه: سەرۆك وەزیرانی عێراق، لە راگیەیەندراوێكدا لە پلاتفۆڕمی ئێكس (توێتەر) بڵاویكردەوە:" پیرۆزبایی دڵسۆزانە لە گەلەكەمان، هاووڵاتیانی ئێزیدی بەتایبەت دەكەم، بە بۆنەی(جەژنی جەما)وە، كە بۆنەیەكە بۆ چەسپاندنی خۆشەویستی، پێكەوەژیان، برایەتی و پشتڕاستكردنەوەی هەوڵە بەردەوامەكانی حكومەت بۆ پشتگیریكردنی مافەكانی هەموو پێكهاتەكان و دابینكردنی دادپەروەری بۆیان".
ئاماژەی بەوەشكردووە:" پلان و بەرنامەكانمان لە بوارەكانی خزمەتگوزاری و ئاوەدانكردنەوە، ئامانجی سەرەكی مانە لەپێناو گشت پێكهاتەكان وبەدیهێنانی خەونی سەرجەم ئێزیدییەكانی عێراق".