سەرۆكی ڕووسیا ڕایگەیاند، هۆشداری دەدەینە ئیسرائیل لەوەی هێرشی زەمینی لە غەزە ئەنجام بدات، چونكە ئەو هێرشە دەبێتە هۆی زیانێکى زۆری مرۆیی، ئەمەش لە لایەن خەڵكی مەدەنی فەلەستینیەوە قبوڵکراو نیە.
ئاوێنه: ڤلادیمێر پوتن، سەرۆكی ڕووسیا لە بارەی شەڕ و ئاڵۆزییەكانی حەماس و سوپای ئیسرائیل لە غەزە هۆشداری دەدات و بەیاننامەیەكی بڵاو كردەوە.
سەرۆکى ڕووسیا ئاماژەى بەوەکردووە، هۆشداری دەدەینە ئیسرائیل لە ئەنجامدانی هێرشی زەمینی و بەكارهێنانی چەكی قورس لە ناوچە مەدەنییەكانی غەزە، چونكە ئەو هێرشە دەبێتە هۆی زیانێکى زۆری مرۆیی.
باسى لەوەشکردووە، ئەم هێرشانە لەلایەن خەڵكی مەدەنی فەلەستینیەوە قبوڵ نەكراوە و لە ئێستاشدا گرنگترین هەنگاو وەستاندنی خوێنڕشتنە لە غەزە و بۆ ئەو مەبەستەش ئێمە ئامادەین بۆ هەموو هاوكارییەك بە مەبەستی وەستانی شەڕ.
لە بەرەبەیانی ٧ـی ئەم مانگەوە چەكدارانی حەماس لە ڕێگەی سەدان مووشەكەوە هێرشیان كردە سەر ئیسرائیل و چوونە ناو خاكی ئیسائیلەوە، كە لە ئەنجامدا بە سەدان كەس بوونە قووربانی و ئاوارە بوون، تا ئێستاش شەڕ و پێكدادانی نێوان چەكدارانی حەماس و سوپای ئیسرائیل بەردەوامە.