حكومەتی هەرێمی كوردستان رایگەیاند، بەگوێرەی پیشبینییەكان، ئەمشەو تا هەینی لە تەواوی هەرێمی كوردستان بارانێكی زۆر دەبارێت و هۆشداری دەدەین بە هاوڵاتیان لە ئەگەری روداوی لافاو، حەوت رێنمایی پەیڕەو بكەن.
ئاوێنە: فەرمانگەی میدیاو زانیاریی سەربە حكومەتی هەرێم، لە راگەیەندراوێكدا وتویەتی، بەگوێرەی پێشبینییەکانی کەشناسی و بومەلەرزەزانیی هەرێمی کوردستان، ئەمشەو و ڕۆژانی چوارشەممە و پێنجشەممە و هەینی، لە تەواوی هەرێمی کوردستان بارانێکی زۆر دەبارێت، لەم ڕوەوە هۆشداری دەدەین بە هاوڵاتییان لە ئەگەری ڕودانی لافاو، ئەم ڕێنماییانە پەیڕەو بکەن:
1- سویچی کارەبای ماڵ بکوژێننەوە.
2- لەو شوێنانە مەوەستن کە مەترسیی هەبونی کارەبای لێ دەکرێت.
3- بڕۆنە بەرزترین شوێنی ماڵەکانتان.
4- شۆفێری مەکەن.
5- لە ناوچە نزمەکان دوربکەونەوە.
6- زۆر پێویست نەبێ، ڕێگە گشتییەکان بەکارمەهێنن.
7- لەو ناوچانە دوربن کە مەترسیی هەورەبروسکەیان تێدایە.