2021-04-20 1878
بەڕێوەبەری تەندروستی گشتی لەوەزارەتی تەندروستی عێراق ده‌ڵێت، ھیچ حاڵەتێکی گیان لەدەستدان به‌هۆی وه‌رگرتنی ڤاکسینی کۆرۆناوه له‌عێراق تۆمار نەکراوە.
ئاوێنه: ڕیاز حەلفی، بەڕێوەبەری تەندروستی گشتی لەوەزارەتی تەندروستی عێراق ڕایگەیاند، تا ئێستا لەنێو ئەو کەسانەی ڤاکسینی کۆرۆنایان بەکارھێناوە ھیچ حاڵەتێکی گیان لەدەستدان تۆمار نەکراوەو ھیچ حاڵەتێکی مەترسیداریش نەبووە.
به‌پێی ئاماره‌كانی وه‌زاره‌تی ته‌ندروستی عێراق، تائێستا كۆی گشتی ئه‌و كه‌سانه‌ی ڤاكسینی كۆرۆنایان وه‌رگرتووه گه‌یشتۆ‌ته 258 هه‌زارو 654 كه‌س.
هاوكات وه‌زاره‌تی ته‌ندروستی‌و ژینگه‌ی عێراق له‌راگه‌یه‌ندراوێكدا ئاماری 24 كاتژمێری حاڵه‌ته‌كانی توشبون‌و چاكبونه‌وه‌و مردنی به‌هۆی ڤایرۆسی كۆناوه بڵاویكرده‌وه. به‌پێی ئاماره‌كه 8208 توشبوی نوێ تۆكاركراوه‌و 6888 توشبوی كۆرۆناش چاكبونه‌ته‌وه.
وه‌زارته‌كه ئه‌وه‌شی خستۆته‌ڕو كه له‌دوێنێوه 34 توشبوی كۆرۆنا له‌سه‌رتاسه‌ری عێراقدا گیانیان له‌ده‌ستداوه، به‌وه‌ش كۆی گشتی مردن به‌ڤایرۆسهكه گه‌یشته 15060 كه‌س.