دوای ئەمڕۆ دوشەممە بەسەردانێكی رەسمی گەیشتە تاران، عادل عەبدولمەهدی، سەرۆك وەزیرانی عێراق لەگەڵ حەسەن رۆحانی، سەرۆك كۆماری ئەو وڵاتە تاوتوێی پەرەسەندنەكانی ناوچەكەو رێگەكانی دامركاندنەوەی گرژییەكانی ئێستای ناوچەكەیان كرد.

ئاوێنە: بەپێی راگەیەندراوێكی نوسینگەكەی، دوای نیوەڕۆی ئەمڕۆ دوشەممە، عادل عەبدولمەهدی، سەرۆك وەزیرانی عێراق بە سەرۆكایەتی وەفدێك كە وەزیری دارایی عێراق و وەزیری نەوت و وەزیری بەرگری و وەزیری گواستنەوەو راوێژكاری ئاسایشی نیشتمانی و چەند بەرپرسێكی دیكە لەخۆدەگرێت، بە سەردانێكی رەسمی گەیشتۆتە تاران.

نوسینگەكەی ئاماژەی بەوەداوە كە هەر ئەمڕۆ لە تاران عادل عەبدولمەهدی چاوی كەوتوە بە حەسن رۆحانی، سەرۆك كۆماری عێراق.

هێمای بۆ ئەوەش كردوە كە لەدیدارێكدا تاوتوێی پەیوەندییەكانی هەردو وڵاتی دراوسێیان كردوەو هەروەها تاوتوێی پەرەسەندنەكانی دۆخی ناوچەكەو رێگەكانی هێوركردنەوەی گرژییەكانی ناوچەكەیان كردوە.