كەشناسی هەرێم پێشبینی دەكات لە 48 سەعاتی داهاتودا ئاسمانی هەرێم لەنێوان ساماڵ و پەڵەهەورو نیمچە هەوردا بێت و ئەمڕۆ هەینی، پلەكانی گەرما بەرزدەبنەوە بەڵام سبەی رو لە نزمبونەوە دەكەن.
ئاوێنە: بەڕێوەبەرایەتی گشتی کەشناسی و بومەلەرزەزانی ھەرێمی کوردستان لە راگەیەندراوێکدا وتی، ئەمڕۆ هەینی، ئاسمان ساماڵ و پەڵە هەور دەبێت و پلەکانی گەرما بە نزیکەی 1 تا 2 پلە بەرزتر دەبن لە تۆمارکراوەکانی دوێنێ
هەر بەپێی راگەیەندراوەكە، سبەی شەممە، ئاسمان لە نێوان پەڵە هەور و نیمچە هەور دەبێت و پلەکانی گەرما کەمێک نزمتر دەبن بەراورد بە تۆمارەکانی ئەمڕۆ.
كەشناسی هەرێم پێشبینی كردوە بەرزترین پلەکانی گەرمای پێشبینیکراو بۆ سبەی بەم جۆرە بن: ھەولێر: 28، سلێمانی: 27، دھۆک: 28، کەرکوک: 31، ھەڵەبجە: 28، سۆران: 27، گەرمیان: 32 پلە.