نەزلیهان شەدال و عەبدوڵا زەیدان هاوسەرۆکانی شارەوانی گەورە شاری وان، مەرسوومی دەستبەکاربوونیان وەرگرت و سوپاسی بەرخۆدانی گەلیان کرد.

دوای ئەوەی لە سایەی بەرخۆدانی گەلەوە دیسانەوە مافی بەڕێوەبەردنى شارەوانی وان گەڕێندرایەوە بۆ هاوسەرۆکانی شارەوانی وان، هاوسەرۆکانی شارەوانی وان بۆ ئەوەی مەرسومی دەستبەکاربوونیان وەرگرن سەردانی دەستەی باڵای هەڵبژاردنیان کرد و لە دوای وەرگرتنی مەرسوومی دەستبەکاربوونیان وتەی خۆیان پێشکەش کرد و سوپاسی بەرخۆدانی گەلیان کرد.

وان نەزلیهان شەدال هاوسەرۆکی شارەوانی وان وتی: بۆ ئەوەی یەکسانی و دادپەروەری لە ناو چڤاکدا بەرقەراربێت، ساڵانێکە تێدەکۆشین، لە شارەوانیشدا بەهەمان نەفەسەوە تێدەکۆشین.

وتیشى، سوپاسی بەرخۆدانی گەل دەکەین، کە لە پێناو بەدەستهێنانی مەرسوومی دەستبەکاربووندا خەباتیان کرد، ئەم بەرخۆدانە ئەو ڕاستییەی دەرخست، کە تێکۆشانی ئازادی سەردەکەوێت، لێگەڕینمان بۆ ماف و ئازادیی لەوان نوێبوەوە و ئەم سەرکەوتنە پیرۆز دەکەین.

دواتر عەبدوڵا زەیدان وتەی خۆی پێشکەش کرد و وتی: بۆ کاتێکی کورتیش بێت یاسا و دادپەروەری پێشێلکرا، سوپاسی خەڵکی وان و هەمووان دەکەین، کە خاوەندارییان لە ئیرادەی گەل کرد، لە ڕێگەی لیژنەی باڵای هەڵبژاردنەکانەوە ئایدیایی ژیانێکی بە حورمەت، بە هیوا، ئاشتی کۆمەڵایەتی بە هێزتربووەوە، پێویستمان بە شەڕ و ناحەقی نییە، بەرپرسیارێتی هەمووانە خزمەتی شارەکەمان بکەین، سوپاسی گەلەکەمان دەکەین.