به‌قایی: له‌گه‌ڵ ئیمزاكردنی رێككه‌وتنه‌كه‌، ئێران ده‌توانێت نه‌وت به‌بێ كێشه‌ بفرۆشێت
  2026-06-15     

ئیسماعیل به‌قایی، وته‌بێژی وه‌زاره‌تی ده‌ره‌وه‌ی ئێران رایده‌گه‌یه‌نێت، له‌گه‌ڵ ئیمزاكردنی ئه‌و رێككه‌وتنه‌ی كه‌ له‌گه‌ڵ ئه‌مریكا كردویانه‌، وڵاته‌كه‌ی ده‌بێت بتوانێت به‌بێ كێشه‌ نه‌وت بفرۆشێت.

ئاوێنه‌: ئیسماعیلی به‌قایی، وته‌بێژی وه‌زاره‌تی ده‌ره‌وه‌ی ئێران، ئه‌مڕۆ دوشه‌ممه‌، له‌ كۆنگره‌یه‌كی رۆژنامه‌وانیدا ئاماژه‌ی به‌وه‌ كرد، یاداشتی لێكتێگه‌یشتنی نێوان وڵاته‌كه‌ی و ئه‌مریكا باسی له‌ بابه‌تی ئه‌تۆمی نه‌كردوه‌و له‌ رۆژی دوای ئیمزاكردنی یاداشته‌كه‌وه‌، ده‌ست ده‌كرێت به‌ گفتوگۆ له‌وباره‌یه‌وه‌.

هێمای بۆ ئه‌وه‌ش كرد، هه‌رچه‌نده‌ له‌باره‌ی ورده‌كارییه‌كانه‌وه‌ گفتوگۆ نه‌كراوه‌ به‌ڵام هه‌ڵوێستی ئێران له‌باره‌ی به‌رنامه‌ ئه‌تۆمییه‌كه‌ی رونه‌، ئه‌ویش ئه‌وه‌یه‌ كه‌ ده‌بێت ته‌واوی سزاكانی سه‌ر ئێران هه‌ڵبگیرێن.

وته‌بێژی وه‌زاره‌تی ده‌ره‌وه‌ی ئێران هێمای بۆ ئه‌وه‌ش كرد، ئازادكردنی پاره‌ بلۆككراوه‌كانی وڵاته‌كه‌ی و بابه‌تی قه‌ره‌بوی زیانه‌كان له‌ڕوی ئابورییه‌وه‌، بابه‌تی گرنگ و وتیشی، لایه‌نی ئه‌مریكا پابه‌ند ده‌كرێت له‌ هه‌ردو بواره‌كه‌دا چه‌ند هه‌نگاوێك بنێت و له‌م یاداشتی لێكتێگه‌یشتنه‌شدا قه‌ره‌بوی زیانه‌كان باس كراوه‌.

جه‌ختیشی كرده‌وه‌، له‌گه‌ڵ ئیمزاكردنی یاداشتی لێكتێگه‌یشتنه‌كه‌دا، ئێران ده‌بێت بتوانێت به‌بێ هیچ كۆسپ و كێشه‌یه‌ك نه‌وت و به‌رهه‌م پترۆكیمیاییه‌كان و به‌رهه‌مه‌ نه‌وتییه‌كانی بفرۆشێت.

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
ره‌حمان غه‌ریب بۆ میدیاكانی پارتی و یه‌كێتی: شەڕی تۆخكردنی زۆنچێتی و كۆنەقین بوەستێنن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
© 2026 Awene Online, Inc. All Rights Reserved.
×