تره‌مپ: جێگره‌كه‌م رۆژی هه‌ینی بۆ ئیمزاكردنی رێككه‌وتنه‌كه‌ ئاماده‌ ده‌بێت، ره‌نگه‌ خۆیشم ئاماده‌بم
  2026-06-15     

دۆناڵد تره‌مپ، سه‌رۆكی ئه‌مریكا رایگه‌یاند، رۆژی هه‌ینی جه‌ی دی ڤانس-ی جێگری ئاماده‌ی رێوڕه‌سمی ئیمزاكردنی رێككه‌وتنه‌كه‌یان ده‌بێت له‌گه‌ڵ ئێران و ده‌شڵێت، ره‌نگه‌ خۆیشم ئاماده‌ بم.

ئاوێنه‌: دۆناڵد تره‌مپ، سه‌رۆكی ئه‌مریكا، ئه‌مڕۆ دوشه‌ممه‌، دوای ئه‌وه‌ی بۆ به‌شداریكردنی له‌ لوتكه‌ی گروپی7 گه‌یشته‌ فه‌ره‌نسا، له‌ لێدوانێكدا بۆ رۆژنامه‌نوسان وتی، تێپەڕینی كەشتیەكان بە گەروی هورمزدا بەبێ‌ باج دەبێت.

جه‌ختیشی كرده‌وه‌، وردەكاری رێككەوتنەكە لەگەڵ ئێران رۆژی  هەینی بڵاودەكرێتەوە.

ئاماژه‌ی به‌وه‌شدا، گەروی هورمز بەشێکی کراوەتەوە و رۆژی هەینی بە تەواوی دەکرێتەوە.

جه‌ختیشی كرده‌وه‌ كه‌ ئێران خاوەنی چەکی ئەتۆمی نابێت.

ئه‌وه‌شی خسته‌ڕو، گرنگه‌ كه‌ نرخی نه‌وت داده‌به‌زێت و نرخی پشكه‌كان به‌رزده‌بێته‌وه‌.

هه‌روه‌ها جه‌ختیشی له‌وه‌ كرده‌وه‌ كه‌ سزاكان سوك ناكرێت تاوه‌كو ئێستا به‌ته‌واوی پابه‌ندی رێككه‌وتن نه‌بێت.

وتیشی، هیوادارین پەیوەندییەکانمان لەگەڵ ئێران باش بێت و هیوادارین نەگەڕێینەوە بۆ شەڕ.

تره‌مپ هێمای بۆ ئه‌وه‌ش كرد، جه‌ی دی ڤانس-ی جێگری رۆژی هەینی لە رێوڕەسمی واژۆکردنی رێککەوتنەکە لەگەڵ ئێران بەشداری دەکات و وتیشی، رەنگە خۆیشم به‌شداری بكه‌م، ره‌نگه‌ به‌شداریش نه‌كه‌م.

هه‌روه‌ها وتیشی، دەمانەوێت چارەسەر ببینین بۆ ئەوەی لە لوبنان رودەدات و دەبێت لەگەڵ ئیسرائیل قسە بکەین لەسەر ئەم بابەتە.

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
ره‌حمان غه‌ریب بۆ میدیاكانی پارتی و یه‌كێتی: شەڕی تۆخكردنی زۆنچێتی و كۆنەقین بوەستێنن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
© 2026 Awene Online, Inc. All Rights Reserved.
×