دادگای ئێران سزای قامچی و قەدەغەکردنی چالاکی بەسەر ژنە هونەرمەندێک سەپاند
  2026-06-18     

دادگای تاوانەکانی پارێزگای قومی کۆماری ئیسلامیی ئێران، سزایەکی قورسی بەسەر ژنە هونەرمەند و گۆرانیبێژ پەرەستۆ ئەحمەدی و هەشت بەشداربوو و مۆسیقاژەنی دیکەی پڕۆژەی "کۆنسێرتی کاروانسەرا"دا سەپاند.

ئاوێنە: بەپێی بڕیاری دادگاکە، سزای ٧٤ قامچی، دوو ساڵ قەدەغەکردنی هاتوچۆ و گەشتکردن بۆ دەرەوەی وڵات، لەگەڵ دوو ساڵ قەدەغەکردنی گشت چالاکییە هونەرییەکان بەسەر ئەو هونەرمەندە و هاوکارانیدا سەپێندراوە.

تۆمەتەکان و هۆکاری سزادانەکە

بەپێی دەقی بڕیارە فەرمییەکە، ئەم دەستە هونەرییە تۆمەتبارکراون بە:

"ئازاردانی ڕەوشتی گشتی" لە ڕێگەی بەرهەمهێنان و بڵاوکردنەوەی ناوەڕۆکی نەشیاو لە فەزای ئەلیکترۆنیدا.

ئەم دۆسیەیە دوای ئەوە هات کە لە ١١ی کانوونی دووەمی ساڵی ٢٠٢٤، پەرەستۆ ئەحمەدی گرتەیەکی ڤیدیۆیی لە نمایشێکی مۆسیقی خۆی لەژێر ناوی “کۆنسێرتێکی گریمانەیی” لە فەزای مەجازی و تۆڕە کۆمەڵایەتییەکاندا بڵاوکردەوە. کۆنسێرتەکە کە لە کاروانسەرای دێرینی “دێر گەچین” لە شاری قوم بەڕێوەچوو، بەهۆی ئەوەی ناوبراو بەبێ باڵاپۆشی زۆرەملێ لەسەر شانۆ دەرکەوت و گۆرانی وت، دەنگدانەوە و کاردانەوەیەکی بەربڵاوی لێکەوتەوە.

تەنها یەک ڕۆژ دوای بڵاوبوونەوەی ڤیدیۆیی نمایشەکە، پەرەستۆ ئەحمەدی و سەرجەم ئەندامانی دیکەی گروپە مۆسیقییەکە لەلایەن هێزە ئەمنییەکانی ئێرانەوە دەستگیرکران و دواتر بە کەفالەت تا کاتی دەرچوونی بڕیاری کۆتایی دادگا ئازادکران.

پێشینەی پەرەستۆ ئەحمەدی

پەرەستۆ ئەحمەدی، لەدایکبووی ساڵی ١٩٩٧ە و خەڵکی شارۆچکەی نوشەهری سەر بە پارێزگای مازندەرانە لە باکووری ئێران.

ناوبراو دەرچووی بەشی دەرهێنانی زانکۆی "سوورە"یە و وەک گۆرانیبێژ چالاکی دەکات.

ئەمە یەکەمجار نییە کە ڕووبەڕووی لێپێچینەوەی ئەمنی دەبێتەوە؛ لە کاتی ناڕەزایەتییەکانی ناسراو بە شۆڕشی **“ژن، ژیان، ئازادی”**دا، بەهۆی خوێندنی گۆرانییەکی شۆڕشگێڕانە و نیشتمانی بە ناوی “لە خوێنی لاوانی نیشتمان” (کە هۆنراوەی شاعیری ناسراو عارف قەزوینییە)، لەلایەن دەزگا ئەمنییەکانی ئێرانەوە دەستبەسەر کرابوو.

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
ره‌حمان غه‌ریب بۆ میدیاكانی پارتی و یه‌كێتی: شەڕی تۆخكردنی زۆنچێتی و كۆنەقین بوەستێنن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
© 2026 Awene Online, Inc. All Rights Reserved.
×