موجته‌با خامنه‌یی: من بۆچونێكی دیكه‌م له‌باره‌ی رێككه‌وتنه‌كه‌وه‌ هه‌بو
  2026-06-18     

موجته‌با خامنه‌یی، رێبه‌ری باڵای كۆماری ئیسلامی ئێران رایده‌گه‌یه‌نێت، ئه‌و بۆچونێكی دیكه‌ی هه‌بوه‌ له‌باره‌ی رێككه‌وتنی نێوان وڵاته‌كه‌ی و ئه‌مریكا، به‌ڵام له‌سه‌ر به‌ڵێنی سه‌رۆك كۆماری ئێران، رێگه‌ی داوه‌ رێككه‌وتنه‌كه‌ بكرێت. ده‌شڵێت، دانوستانه‌ راسته‌وخۆكانی داهاتو، به‌ مانای قبوڵكردنی بۆچونی دوژمن نایه‌ن.

ئاوێنه‌: موجته‌با حامنه‌یی، ئه‌مڕۆ پێنجشه‌ممه‌، له‌ په‌یامێكدا بۆ خه‌ڵكی ئێران وتی"وه‌ك ئاگادارن لێكتێگه‌یشتنێك له‌نێوان سه‌رۆك كۆماری ئێران و سه‌رۆك كۆماری ئه‌مریكادا واژوكرا. به‌رپرسانی په‌یوه‌ندیدار له‌ سۆنگه‌ی دڵسۆزی و به‌نیازپاكییه‌وه‌ هه‌وڵی زۆریاندا بۆ گه‌یشتن به‌م قۆناغه‌، هه‌ڵبه‌ته‌ ئه‌وه‌ سه‌رۆكی ئه‌مریكا بو كه‌ له‌ڕوی بێهیواییه‌وه‌، چه‌ندین جۆر ئامڕازی گوشاری بۆ ئه‌م مه‌به‌سته‌ به‌كارده‌هێنا."

وتوشیه‌تی، له‌ڕوی مه‌بده‌ئییه‌وه‌ من بۆچونێكی دیكه‌م له‌سه‌ر لێكتێگه‌یشتنه‌كه‌ هه‌بو، بەڵام لەڕوانگه‌ی ئەو بەڵێنەی کە سەرۆک کۆمار وەک سەرۆکی ئەنجومەنی باڵای ئاسایشی نه‌ته‌وه‌یی، به‌ناوی خۆی و ئەندامانی دیکەوە به‌ منی دا بۆ پاراستنی مافەکانی خه‌ڵكی ئێران و بەرەی مقاوه‌مه‌و رونیكرده‌وه‌ كه‌ بەرپرسیارێتییەکەی ده‌گرێته‌ ئه‌ستۆ، رێگه‌م پێدان. سه‌رۆك كۆمار هەروەها ڕونی کردوەتەوە کە ئەگەر لایەنی ئەمریکی بیەوێت زێده‌ڕۆیی بکات، ناچنە ژێربارییەوە.

خامنه‌یی هێمای بۆ ئه‌وه‌ش كردوه‌، له‌م ساته‌ به‌دواوه‌ ئێمه‌و ئێوه‌ش، چاوه‌ڕوانی به‌دیهێنانی مه‌رجه‌كانین.

له‌ كۆتاییشدا وتویه‌تی، ئاشکرایە کە ئه‌و دانوستانه‌ راسته‌وخۆیانه‌ی كه‌ له‌ داهاتودا ئه‌نجام ده‌درێن، بە مانای قبوڵکردنی بۆچونی دوژمن نایه‌ن.

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
ره‌حمان غه‌ریب بۆ میدیاكانی پارتی و یه‌كێتی: شەڕی تۆخكردنی زۆنچێتی و كۆنەقین بوەستێنن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
© 2026 Awene Online, Inc. All Rights Reserved.
×