فه‌ره‌نسا؛ له‌ ناڕه‌زایه‌تییه‌ سه‌رتاسه‌رییه‌كانی قوتابیاندا‌، زیاتر له‌ دو هه‌زار قوتابی ده‌ستگیركراون
  2026-10-02     

 له‌ ناڕه‌زایه‌تییه‌ سه‌رتاسه‌رییه‌كانی قوتابیاندا له‌ فه‌ره‌نسا كه‌ توندوتیژی لێكه‌وته‌وه‌، زیاتر له‌ دو هه‌زار قوتابی له‌لایه‌ن هێزه‌ ئه‌منییه‌كانه‌وه‌ ده‌ستگیركراون و وه‌زیری خوێندنی باڵای وڵاته‌كه‌ش ده‌ڵێت، ئه‌مڕۆ هه‌ینی له‌گه‌ڵ نوێنه‌رانی قوتابیاندا گفتوگۆ ده‌كه‌ن.

ئاوێنه‌: فیلیپ باپتیست، وەزیری خوێندنی باڵای فەرەنسا ڕایگەیاند کە بۆ کۆتاییهێنان بە خۆپیشاندان و ناڕه‌زایه‌تییه‌ سه‌رتاسه‌رییه‌كان لەبارەی بارودۆخی قوتابخانەکانەوە، لە گفتوگۆکردن لەگەڵ نوێنەرانی قوتابییان بەردەوام دەبن.

ئه‌و وتی، ئه‌مڕۆ هەینی لەگەڵ نوێنه‌رانی خۆپیشاندەران کۆدەبێتەوە تاوەکو لەبارەی داواکارییەکانیانەوە، لەوانەش تەرخانکردنی سەرچاوەی دارایی زیاتر بۆ سیستەمی پەروەردە، گفتوگۆ بکات.

وه‌زیری خوێندنی باڵای فه‌ره‌نسا هاوكات ئەو توندوتیژییانەی ئیدانه‌ کرد کە لە هەندێک ناوچەدا لە کاتی خۆپیشاندانەکاندا ڕویان داوە.

لە دوای ئەم ئاڵۆزییانە، ئەمڕۆ زیاتر لە 400 قوتابخانە لە سەرانسەری فەرەنسادا داخران و خوێندن له‌ 40 زانکۆش راگیراوه‌.

دوێنێ پێنجشەممە، پۆلیس لە کاتی داخستنی دەروازەی قوتابخانەکان لەلایەن قوتابییانەوە، 2 هه‌زار قوتابی دەستگیر کرد.

قوتابییانی فه‌ره‌نسا ناڕەزایەتییان بەرامبەر قه‌ره‌باڵغی زۆری ناو پۆلەکان و کۆنبونی كه‌ره‌سته‌ و کەلوپەلەکانی خوێندن دەربڕیوه‌. هاوکات لە کاتی ئەم ناڕەزایەتییانەدا لانیکەم دو قوتابخانە ئاگریان تێبەردرا.

خوێندكارانی زانكۆ وه‌كو پشتیوانی بۆ ناڕه‌زایه‌تییه‌كانی قوتابیانی قوتابخانه‌ ناوه‌ندی و دواناوه‌ندییه‌كان لە ڕێگەی مانگرتن، بایكۆتكردنی خوێندن و ڕاگرتنی وانەکانه‌وه‌ ناڕه‌زایه‌تییان ده‌ربڕیوه‌.

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
ره‌حمان غه‌ریب بۆ میدیاكانی پارتی و یه‌كێتی: شەڕی تۆخكردنی زۆنچێتی و كۆنەقین بوەستێنن
"ماسکیزم"، چۆن ئیلۆن ماسک بوو بەهێمای سەردەمی ئێمە؟
© 2026 Awene Online, Inc. All Rights Reserved.
×