كۆمسیۆنی هه‌ڵبژاردنه‌كانی عێراق: به‌نیازین له‌ 2027 هه‌ڵبژاردنی ئه‌نجومه‌نی پارێزگاكان ئه‌نجام بده‌ین
  2026-10-05     

كۆمسیۆنی هه‌ڵبژاردنه‌كانی عێراق له‌گه‌ڵ لیژنه‌ی دارایی په‌رله‌مان كۆده‌بێته‌وه‌و چه‌ند پرسێك تاوتوێ ده‌كه‌ن و ده‌شڵێت، به‌نیازین له‌ ساڵی 2027، هه‌ڵبژاردنی ئه‌نجومه‌نی پارێزگاكان ئه‌نجام بده‌ین.

ئاوێنه‌: به‌پێی راگه‌یه‌ندراوێكی په‌رله‌مانی عێراق، ئه‌مڕۆ دوشه‌ممه‌، لیژنه‌ی دارایی په‌رله‌مان و له‌گه‌ڵ ئه‌ندامانی كۆمسیۆنی باڵای سه‌ربه‌خۆی هه‌ڵبژاردنه‌كانی عێراق كۆبوه‌ته‌وه‌و تاوتوێی ژمارەیەک دۆسیەیان كردوه‌ له‌ پەیوەند بە کاری کۆمسیۆن و پێداویستییە دارایی و تەکنیکییەکانی له‌گه‌ڵ تاوتوێکردنی بودجەی تایبەت بە کۆمسیۆن لە ناو یاسای بودجەی گشتی فیدراڵیدا.

له‌ سه‌ره‌تای كۆبونه‌وه‌كه‌دا، سه‌رۆكی لیژنه‌ی دارایی جه‌ختی له‌ گرنگی پشتیوانیكردنی كۆمسیۆن و بەهێزکردنی تواناکانی بۆ ئەنجامدانی ئەرکەکانی و ئامادەکردنی بۆ هەڵبژاردنییەکانی داهاتو كردۆته‌وه‌.

به‌پێی راگه‌یه‌ندراوه‌كه‌، لیژنەکە گوێی بۆ ڕونکردنەوەیه‌كی تێر و تەسەل گرت سەبارەت بە تێبینی و پێداویستییەکانی دادوەرانی ئەندامانی کۆمسیۆن و ئەگەری ئەنجامدانی گواستنەوەی بڕە داراییەکان لە ناو بودجەی تایبەت بە کۆمسیۆندا.

هه‌روه‌ك له‌ كۆبونه‌وه‌كه‌ تاوتوێی هەموارکردنەوەی یاسای کۆمسیۆن و میتۆدی پشتبەستن بە کارتی نیشتمانی یەکگرتو لە پڕۆسەی دەنگداندا کراوه‌، لەگەڵ تاوتوێکردنی چاره‌سه‌‌ر و ڕێگەچارەکان سەبارەت بە زۆرکردنی ژمارەی وێستگە و ئامێرەکان.

لای خۆیشه‌وه‌ وه‌فدی كۆمسیۆن ڕونی کردۆتەوە کە "به‌نیازن هەڵبژاردنی ئەنجومەنی پارێزگاکان لە ساڵی 2027 ئه‌نجام بده‌ن، وێڕای دەرکردنی کارتی هەڵبژاردن"، هەروەها جیاوازی نێوان کارتی نیشتمانیی یەکگرتو و کارتی بایۆمەتری خستەڕو، لەگەڵ ئەوەی پەیوەندیدارە بە میتۆدی پشتبەستن پێیان لە پڕۆسەی هەڵبژاردندا.

زۆرترین بینراو
سەرچاوەیەکی ئاگادار بۆ ئاوێنە: کۆبوونەوەی یەکێتی‌و پارتی بێ ئەنجام بووەو یەکێتی دوو داواکاری ھەیە
کۆبونەوەکەی یەکێتی و پارتی کۆتایی هات
یانه‌ی هه‌ولێر: له‌لایه‌ن به‌شێك له‌ هێزه‌ ئه‌منییه‌كانی یاریگای دهۆك هێرشی دڕندانه‌مان كرایه‌ سه‌ر
زەیدی بانکی تی بی ئای ڕاسپارد 100 دۆلار بە 152 هەزار دینار بفرۆشێت
مه‌سعود بارزانی و فالح فه‌یاز: كێشه‌كانی نێوان هەرێم و عێراق لە چوارچێوەی دەستور قابیلی چارەسەرن
عراقچی: یۆرانیۆمی پیتێندراوی ئێران نابرێته‌ ده‌ره‌وه‌ی وڵات به‌ڵام ده‌كرێت له‌باره‌یه‌وه‌ بگه‌ینه‌ رێگه‌چاره‌یه‌ك
ترەمپ: ئێستا رووبەڕووی سەرکردەی سێیەم بوینەتەوە و دوای ئەو کۆتایی ریژێمە
"ماسکیزم"، چۆن ئیلۆن ماسک بوو بەهێمای سەردەمی ئێمە؟
وه‌زیری ده‌وڵه‌تی عێراق و وه‌زیری وزه‌ی توركیا تاوتوێی پشكی توركیا له‌ كێڵگه‌ نه‌وتییه‌كانی كه‌ركوك ده‌كه‌ن
هەولێر: لە 10 مانگدا زیاتر لە 13 هەزار منداڵ لەدایکبوونە
© 2026 Awene Online, Inc. All Rights Reserved.
×