عهلی ئهنههیر، ئهندامی لیژنهی ئاسایش و بهرگری له پهرلهمانی عێراق جهخت له جدییهتی حكومهتی ئێستای عێراق بۆ روبهڕوبونهوهی دۆسیهی قاچاخچێتی نهوت دهكاتهوهو پێشبینی دهكات لهماوهی دو ههفتهی داهاتودا لهو دۆسیهیهدا سوپرایز روبدات و "سهری گهوره له دۆسیهی قاچاخچێتی نهوتدا بكهون بهتایبهت له كهركوك و رۆژئاوای نهینهوا. دهشڵێت، له ههر چوار خولهكێكدا یهك تانكهر نهوت به قاچاخ له كهركوك دهبرێت.
ئاوێنه: عهلی ئهنههیر، ئهندامی لیژنهی ئاسایش و بهرگری له پهرلهمانی عێراق، ئهمشهو یهكشهممه، لهمیانی بهشداریكردنی له بهرنامهیهكی كهناڵی "الرابعة"دا، لهبارهی به قاچاخبردنی نهوتی عێراق وتی "ئەوەی بە نەوت دەوڵەمەند ببێت، لە شەرەفدا هەژار دەبێت؛ با هەر چۆنێک دەیانەوێت لێکیبدەنەوە، چونکە چەند بنەمایەکی نەگۆڕ هەن، بەو مانایەی کە سامانی گەل دەبێت بۆ گەل بمێنێتەوە، باشترین بەڵگەش بۆ قسەکەم ئەوەیە کە بەسەر ڕژێمی لەناوچو و بنەماڵەکانهیدا هات كه چۆن دنیا و قیامەتیان دۆڕاند."
وتیشی "جددییەتێک لای حکومەتی ئێستا ههیهو ئەنجومەنی باڵای دادوەری و پەرلەمان و خەڵکە شەرەفمەندەکانی گەلیش پشتیوانی دهكهن؛ ئەم جددییەتە لە ناوچەکانی ناوەڕاست و باشورەوە دەستیپێکردوەو دوای ئەوە سەرۆک وەزیران بەرەو باکوری وڵات دەڕوات و بە سەڵاحەدین و کەرکوک و ڕۆژئاوای ئەنباردا تێدەپەڕێت."
بهپێی قسهی ئهو پهرلهمانتاره "ڕاپۆرتی ڕاستەقینەی هەندێک لەو لیژنانە هەن کە لە نوسینگەی سەرۆک وەزیران پێکهێنراون و وێنەی ئاسمانی و تۆماری کامێراکانیان لەگەڵدا هاوپێچ کراوە، کە چۆنیەتیی بەقاچاخبردنی نەوت ڕون دەکەنەوە؛ بەقاچاخبردن بە بەرگی یاساییهوه هەیە، بەقاچاخبردن لە ڕێگەی هەڵکەندن و کونکردنی بۆرییەکانەوە هەیە، تەنانەت دەرهێنانی نەوت لەلایەن هەندێک باندەوە لە هەندێک بیر و دزینی و فرۆشتنیشی هەیە و ئەمەش لە ڕۆژئاوای نەینەوا و کەرکوک بونی هەیە."
عهلی ئهنههیر ئاماژهی بهوهشدا "فەرماندەی ئۆپەراسیۆنەکانی کەرکوک لە میانی میوانداریکردنیدا لە لیژنەی ئاسایش و بەرگری، بۆمانی دوپات کردەوە کە هەر 4 خولەک جارێک تانکەرێک نهوت كه قاچاخه لە کەرکوک دەردەچێت، هەندێک لە تانکەرەکان لە ڕوی یاساییەوە بە نوسراوی وەزارەتی نەوت و مۆر پشتگیری کراون کە بە بازگەکاندا تێدەپەڕن و هێڵی ڕۆیشتنی دیاریکراویان هەیە."
ئهو وتیشی "نامانەوێت پێش ڕوداوەکان بکەوین، بەڵام لە هەفتەی داهاتو و هەفتەی دواتردا سوپرایز هەیە و هەڵمەتێکی ڕاستەقینە دژی ئەوانە دەبێت کە سامان و خێروبێری وڵات دەخۆن."
پهرلهمانتارهكهی عێراق وتیشی "پۆلیسی وزە بۆی پشتڕاست کردمهوە کە لە نێوان ساڵانی 2025 و 2026دا زیاتر لە 20 حاڵەتی کونکردن و دەستدرێژیکردنە سەر بۆرییە ستراتیژییەکانی نەوت چارەسەرکراون، ئەمەش ژمارەیەکی مەترسیدارە؛ ئاخۆ چەند نەوت لەم بۆرییانەوە ڕاکێشراوە؟ ئەمە تەنیا ئەوەیە کە پۆلیسی وزە ئاشکرای کردوەو نازانین ژمارەی ئەو کون و دزییانەی هێشتا ئاشکرا نەکراون چەندە، کە شتانێکن تەنیا خوا و دزەکان پێی دەزانن."
هێمای بۆ ئهوهش كرد "ئەمە بۆ هێڵەکانی بۆری نهوت له بەغدا تا دەگاتە بەسرە راسته، کە تێیدا بۆرییەکان کون دەکرێن و نەوت دەدزرێت، هەروەها بۆ بۆرییەکانی نێوان ڕومادی و تکریت و بێجی و لە کەرکوکیشەوە بەرەو سەرەوە، لهو ناوچانهی كه بیری نەوتی لێیه."
وتیشی "دۆسیەیەکم ڕادەستی محەممەد شیاع سودانی کرد کە بە دیمەنی ڤیدیۆیی پشتڕاست کراوەتەوە، تێیدا بونی دەریاچەیەک لە نەوت لە کەرکوک ئاشکرا دەکات؛ بە شێوەیەک نەوت لە بیرەکانەوە ڕادەکێشرێت و دەخرێتە ناو دەریاچەکەوە بۆ ئەوەی دواتر بار بکرێت و دوای ئەوەی قاچاخچییەکە کارەکەی تەواو دەبێت، دەریاچەکە دەشارێتەوە و بە درێژایی چەندین ساڵ هەزاران تانکەر نەوتی لێ بار کراوە."
جهختیشی كردهوه "پێشبینی دەکەم سەری گەورە بکەون، بەتایبەتی لە کەرکوک و ڕۆژئاوای نەینەوا، کە تێیدا نەوت بە قاچاخ دەبرێت بۆ سوریا و ئێران و تورکیا."
ئهوهشی خستهڕو "دۆسیەی بەقاچاخبردنی نەوت ئاڵۆزو پێكداچوه ئەگەر بە تەواوی هەڵبدرێتەوە، پێم وایە خودی سەرۆک وەزیران ڕوبەڕوی کێشە دەبێتەوە، چونکە حزب و لایەنە دەستڕۆیشتوەکان کێشە دەنێنەوە."