حەمە سوور دوشیوانی: کاردانەوەی ئەمجارەی یەکێتی زۆر توندو یەکلاکەرەوەو پشتشکێن دەبێت
  2026-11-05     

محەمەد عوسمان (حەمە سوور دوشیوانی)، ئەندامی پێشووی سەرکردایەتی یەکێتی سەبارەت بەکاراکردنەوەی پەرلەمان لەلایەن پارتییەوە ئاماژە بەوە دەکات کە بێدەنگیی ئێستای یەکێتی بێدەنگییەکی پێش تووڕەیی و گورزێکی کوشندەی سیاسییە، ئەو دەڵێت "کاردانەوەی ئەمجارەی یەکێتی زۆر توندو یەکلاکەرەوەو پشتشکێن دەبێت".

 

ئاوێنە: محەمەد عوسمان (حەمە سوور دوشیوانی) لەهەژماری تایبەتی خۆی لەتۆڕی کۆمەڵایەتی دەپرسێت "یەکێتی بەنیازی چیە؟؟ بەرەوڕووبوونەوەی بڕیارە نایاساییەکان؛ ئایا یەکێتی و هاوپەیمانەکانی بێدەنگ دەبن؟ پرسیارە جەوهەرییەکە ئەوەیە: ئایا کاک بافڵ و هێزە هاوپەیمانەکانی، هەر ئەوها بە بێدەنگی لە ماڵەکانی خۆیان دادەنیشن و دەستە وەستان دەبن؟".

لەوەڵامدا دەڵێت "پرۆسەی هەڵبژاردنی پەرلەمانی کوردستان، کاتێک بەبێ بەشداریی فراکسیۆنە سەرەکییەکان (یەکێتیی ، نەوەی نوێ، یەکگرتوو ، هەڵوێست ، بزووتنەوەی گۆڕان ،کۆمەڵی دادگەری) و بەبێ ئاگاداریی پێشوەختی فراکسیۆنەکان و سەرۆکی تەمەن بەڕێوەدەچێت ، تەنها کارێکی نایاسایی نییە، بەڵکو ڕەنگدانەوەی عەقڵییەتێکی تاکڕەوە کە هیچ پەیوەندییەکی بە بنەما دیموکراسییەکانەوە نییە".

دەشڵێت "ئەو کەسانەی کە سەرۆکی یەکێتیی ، بەڕێز کاک بافڵ تاڵەبانی، بە باشی دەناسن، دەزانن کە کاردانەوەی سیاسی، دیپلۆماسی و یاسایی ئەمجارەی یەکێتی زۆر توند و یەکلاکەرەوە و پشتشکێن دەبێت. هەر وەک چۆن لە ڕابردوودا لە بەغدا و لە چەند وێستگەیەکی سیاسیی هەستیاردا پێنج گۆڵی مێژوویی لە ڕکابەر کرد و هاوکێشەکەی بە قازانجی گەلەکەمان یەکلاکردەوە، بێگومان ئەمجارەش دۆخەکە بەو شێوەیە تێپەڕ نابێت. بڕیارە تاکڕەوەکان هەرگیز لەقەڵەمڕەوی یاسا و خواستی خەڵکدا جێگەیان نابێتەوە . چاوەڕوانی کاردانەوەیەکی توندتر و ڕەقتر بن، چونكە یەکێتی قبووڵ ناکات مافە دەستوری و یاساییەکانی گەلەکەی و هاوپەیمانەکانی ژێرپێ بنرێت و بێدەنگیی ئێستاش، تەنها بێدەنگییەکی پێش تووڕەیی و گورزێکی کوشندەی سیاسییە".

زۆرترین بینراو
ئێران هەڵوێستی خۆی لەسەر کاراکردنەوەی پەرلەمانی کوردستان و کشانەوەی یەکێتی لە حکومەت ڕاگەیاند
مەسعود بارزانی داوای کۆبوونەوەی ڕاستەوخۆی پارتی و یەکێتی دەکات
دانەغاز:به‌رهه‌مهێنان بەشێوەیەکی کاتی له‌ كۆرمۆر هەڵپەسێردرا
كۆبونه‌وه‌ی زه‌یدی و مه‌سرور بارزانی: جه‌خت له‌ گه‌ره‌نتی به‌رده‌وامی خه‌رجكردنی موچه‌ی هه‌رێم كرایه‌وه‌
وته‌بێژی پارتی: ئاماده‌ین بۆ گفتوگۆ و كۆبونه‌وه‌ له‌گه‌ڵ برایانی یه‌كێتی
عێراق هه‌واڵی سه‌ردانه‌ نهێنییه‌كه‌ی زه‌یدی بۆ تاران پشتڕاست ده‌كاته‌وه‌
لە چەکی ئەتۆمییەوە بۆ هێرشی وشکانی؛ چوار سیناریۆی ترەمپ بۆ قۆناغی داهاتووی جەنگی ئێران بڵاودەکرێتەوە
یەکێتی و نەوەی نوێ لە دادگای فیدراڵیی سکاڵایان لە دانیشتنی پەرلەمان تۆمارکرد
مەسرور بارزانی بە شاندێکی تەنها پارتییەوە لە بەغدایە؛ گفتوگۆ لەسەر پشکی هەرێم لە بودجەی ٢٠٢٧ دەکرێت
سەرۆکی میت نەخشەڕێگای ئەنقەرە بۆ چارەسەری پرسی کورد ئاشکرا دەکات و پەکەکەش داوای هەنگاوی کرداری دەکات
© 2026 Awene Online, Inc. All Rights Reserved.
×