ژبەر هاتنا پێلەكا بەفر بارینێ ل سنورێ پارێزگەها دهوكێ تایبەتێ دەڤەرێن چیایێ بوویە، ئەڤە ژی زەحمەت خوارن دەست ب ئاژەلێ كیڤی و چیایی كەڤیت لەورا هەوكا بەرفرەهـ خوارنێ بۆ وان ئامادە كریە.
ئاوێنە، وارهێل نێروەی: د. سلێمان تەمەر بەرپرسێ رێكخراوا كوردستان بۆ پاراستنا مافیێن ئاژەلێ ل دهۆكێ بۆ "ئاوێنە" دیاركر: ئەڤرۆ 16/1/2020 رێكخراوا كوردستان دگەل فەرمانگەها ژینگەها دهۆكێ ل چیایی گارە بۆ ئاژەلی كیڤی دەست ب هەوەكا بەلاڤكرنا چەندین جورێن خوارنێ و كەسكاتیێ كریە.
دیاركر: "هەوەكا مەزن بەلاڤكرنا خارنێ ل چیایێ گارە و جهێن بەفر لێ هاتی دهێتە دەستپێكرن چونكو بەفرێ ل هندەك جه و دەڤەران گەلەك باریە وئەو ئاژەلی كیڤی و ئاژەلی بەرەلا ل وان دەڤەرێن چیایی دژین، دوو ترۆمبیلین پڕی خوارن و چەندین جۆرێن كەسكاتیی ژی هێنە بەلاڤكرن بۆ خوارنا ئاژەلی كیڤی ژبەركو دا برسی نەمینن وێ خارنێ بخۆن.
ناڤهاتی گوت ژی: ژبەر بەفرێ ئاژەل قەستا دەڤەرێن دەشتی دكەت و ئەگەر نێچیر نەبیت و پاراستنا ئاژەلی كیڤی بهێتە كرن دێ گەلەك باشتر بیت چونكو بوارێ گەشتیاری ژی دا گەلەك باشە دێ دەمێ گەشتیار قەستا جهەكێ بكەن ل وێ جهێ ئاژەلی ببینن ئەڤە ژی دی بیتە دەرگەهەك پتر گەشتیار بهێن".
ئەو ژی گوت: " گەش و هەوایێ دهوكێ زۆر گونجایە ئاژەلی كیڤی ل دەشت وچیایێن كوردستانێ بژیت كو ژینگەها كوردستانێ گەلەك گونجایە بۆ هەموو جۆرێن ئاژەلان".