نرخی نەوتی تەكساس بۆ ژێر سفر دابەزی
  2020-04-20       1227       

نرخی بەرمیلێك نه‌وتی خاوی خۆرئاوای ته‌كساس ئه‌مڕۆ دوشه‌ممه‌ دابه‌زینێكی مێژویی تۆمار كرد و نرخەکەی گه‌یشته‌ خوار سفر، بەهۆی پڕبونی خەزێنەكانی ئەمریكاو هەروەها  كەمی خواست له‌سه‌ر كڕینی نه‌وت بەگشتی به‌هۆی بڵاوبونه‌وه‌ی ڤایرۆسی كۆرۆناوه‌.

ئاوێنە: زیانی گرێبه‌سته‌ دواخراوه‌كانی نه‌وتی خاوی ئه‌مریكا به‌ڕێژه‌ی 98% دابه‌زی و یه‌ك به‌رمیل نه‌وتی خاوی ئه‌مریكا نرخی ته‌نها 20 سه‌نتی له‌سه‌ر دانرا، دواتر نرخه‌كه‌ بۆ خوار سفر دابه‌زی و نه‌وتی تەكساسی ئه‌مریكا هیچ به‌ هایه‌كی نه‌ما.

به‌پێی ئاژانسی فرانس پرێس، دوا نرخی یه‌ك به‌رمیل نه‌وتی خاوی ئه‌مریكا گه‌یشتوه‌ته‌ -37 له‌ژێر سفره‌وه‌.

جیم ئانهۆف، سیناتۆری سه‌ربه‌ كۆماریخوازه‌كانی ئه‌مریكا هه‌ریه‌ك له‌ عه‌ره‌بستانی سعودی و روسیای تۆمه‌تبار كردوه‌ و رایگه‌یاندوه‌ كه‌ ره‌فتاره‌كانی ئه‌و دو وڵاته‌ هه‌ڕه‌شه‌ له‌ ئابوری و ئاسایشی نیشتمانیی ئه‌مریكا ده‌كه‌ن.

به‌وته‌ی ئانهۆف، روسیا و عه‌ره‌بستانی سعودی به‌رده‌وامن له‌ پڕكردنی بازاڕه‌كان به‌ نه‌وت و ده‌یانه‌وێت به‌رهه‌مهێنه‌رانی غاز و نه‌وتی ئه‌مریكا له‌ بازاڕه‌كه‌ بكه‌نه‌ ده‌ره‌وه‌.

زۆرترین بینراو
© 2024 Awene Online, Inc. All Rights Reserved.
×