تەندروستیا دهوک زانیاری لسەر وان چوار کەسێن  تووشی کۆرۆنایێ بووین ددەت، هەرچوار کەس شۆفێرێن ترۆمبێلێن بارهەلگرن.

ئاوێنە، وارهێل نێروەیی: حەمزە رەزیکی، بەرپرسێ راگەهاندنا تەندرۆستیا دهوک بۆ "ئاوێنە" راگەهاند: ل گۆرەی زانیاریێت پشت راستکری یێ ب دەست کەفتین، هەرچوار کەس شۆفێرێن ترۆمبێلێن بارهەلگرن،  ژ وانا ژی دوو  ژ ناسریە و  ئێک  ژ بەغدا  هاتینە  و ئێک ژی ژ سلێمانیێ هاتینە دهوکێ.

گوت ژی : کەسێ ژ سلێمانیێ هاتی 37 سالە و خەلکێ باتیفایە، پشتی نیشان ل دەف دەرکەفتین، سەرەدانا نەخۆشخانێ کریە و پشکنین بۆ هاتینە کرن و دیار بوویە هەلگرێ ڤایرۆسێ کۆرۆنایە.

ئاشکرا ژی کر: ئێک ژ بەغدا هاتیە و 29 سالە، ل خالا پشکنینا سنوری پشکنین بۆ هاتیە کرن و دیار بوویە کو هەلگرێ ڤایرۆسی یە.

سەبارەت دوو تووشبویێن دی دیار کر: دو ژی ژ ناسریێ هاتینە دهۆکێ، د ژیێ 39 و 40 سالیێ دانە. ل خالا پشکنینا سنوری پشکنین بۆ هاتیە کرن و دیار بوویە کو هەلگرێن ڤایرۆسی یە.