2020-07-07   442     
بریاردەری لیژنەی کشتوکاڵ وئاودێری لە پەرلەمانی کوردستان رایگەیاند، ئەمرۆ سێشەممە ٧ی تەمووزی ٢٠٢٠، لەبارەی کێشەکانی کشتوکاڵ و جووتیاران، کۆدەبنەوە.
ئاوێنه: سەفین گەردی، بریاردەری لیژنەی کشتوکاڵ و ئاودێری لە پەرلەمانی کوردستان راگەیاند: ئەمرۆ سێشەممە ٧ی٧ی٢٠٢٠ کاتژمێر ١١ی پێش نیوەڕۆ، لێژنەی کشتوکاڵی پەرلەمانی کوردستان بۆ گفتگۆکردن لەسەر کێشەی ساخنەبوونەوەی بەرھەمی جووتیارانی ھەرێمی کوردستان کۆدەبێتەوە.
ھەروەھا سەفین گەردی، بریاردەری لیژنەی کشتوکاڵ و ئاودێری لە پەرلەمانی کوردستان ئەوەشی خستەروو، کە رەنگە لە کۆبوونەوەکەدا وەزیری کشتوکاڵ و سەرچاوەکانی ئاو بانگھێشت بکەن، یانیش لێژنەیەک پێکبھێنن تاوەکوو سەردانی وەزیری کشتوکاڵ بکەن و ھەوڵ بدەن بە ھەموو لایەک کێشەی جووتیاران چارەسەر بکرێت.