سه‌رۆكی ژووری بازرگانی ڕونكردنه‌وه‌یه‌ك له‌ باره‌ی مامۆڵه‌كردن به‌ تمه‌ن بڵاوده‌كاته‌وه‌
  2020-07-19       715       

سیروان محه‌مه‌د، سه‌رۆكی ژووری بازرگانی و پیشه‌سازی سلێمانی رایده‌گه‌یه‌نێت، ''بۆ كاری بارزگانی ئاساییه‌ هاوڵاتیان مامۆڵه‌ به‌ تمه‌نه‌وه‌ بكه‌ن، له‌به‌ر ئه‌وه‌ی كه‌ بازرگانی نێوان كۆماری ئیسلامی ئێران و هه‌رێمی كوردستان له‌ رێگه‌ی تمه‌نه‌وه‌ ئه‌نجام ده‌درێت''.

ئاوێنه‌: سیروان محه‌مه‌د، سه‌رۆكی ژووری بازرگانی و پیشه‌سازی سلێمانی رایگه‌یاند ''به‌ ڕایی ئێمه‌ له‌ ئێستادا ئه‌و هاوڵاتیانه‌ی تمه‌ن ده‌كڕن به‌ مه‌به‌ستی قازانج،  له‌ ماڵه‌وه‌ دایده‌نێن تاكو دواتر به‌ نرخێكی گرانتر بیفرۆشنه‌وه‌ كارێكی دروست نیه‌ ده‌كرێت توشی زه‌ر و زیان بن چونكه‌ وەکو قومار وایە، هاوڵاتیان ئازادن له‌ كڕینی''.

ئاماژه‌ی به‌وه‌شدا، هاوڵاتیان ده‌توان ته‌نها بڕێكی كه‌م تمه‌ن بكڕن ته‌نها  به‌شی سه‌فه‌رێك یاخود به‌ گوێره‌ی پێداویستی و بارودۆخی ژیانی رۆژانه‌ی خۆیان. 

چەند رۆژێكە نرخی تمەنی ئێرانی بەشێوەیەكی بەرچاو بەهاكەی رووی لە دابەزین كردووە بە جۆرێك 100دۆلاری ئەمریكی بەرامبەر بووە بە زیاتر لە دوو ملیۆن ‌و 500 هەزار تمەن.


زۆرترین بینراو
© 2024 Awene Online, Inc. All Rights Reserved.
×