ئه‌مساڵ له‌ عێراق چوار ملیۆن و 900 هەزار تۆن گەنم له‌ جوتیاران وه‌رگیراوه‌
  2020-07-25       341       
وەزارەتی بازرگانیی عێراق، ئەمڕۆ شەممە 25ی تەمموز، ئاماری گەنمی کۆگاکراوی ئەمساڵ و گەنمی وەرگیراو لە جووتیارانی بڵاوکردەوە و ڕایگەیاند زیاتر لە چوار ملیۆن و 900 هەزار تۆن گەنم لە ساڵی 2019-2020 کۆگاکراوە.

ئاوێنه‌: وەزارەتی بازرگانیی عێراق ڕاگەیەنراوێکی لەبارەی ئاماری کۆگاکردنی و گەنمی ساڵی 2019-2020ی بڵاوکردەوە، تێیدا ئاماژەی بە کۆگاکردنی چوار ملیۆن و 900 هەزار و 570 تۆن گەنم کردووە، "ئەمەش ژمارەیەکی پێوانەییە تاوەکو ئێستا تۆمارکرابێت".

بەپێی وەزارەتی بازرگانیی عێراق، پارێزگای نەینەوا زۆرترین بەرهەمی گەنمی هەبووە، کە ئەمساڵ 826 هەزار و 212 تۆن گەنم بووە، هەروەها بەغداد/ تاجی کەمترین بەرهەمی هەبووە کە 11 هەزار و 732 تۆن گەنم بووە.

وەزارەتەکە ڕاشیگەیاند، "ئێستا وەرگرتنی بەرهەمی گەنمی ئەمساڵ کۆتاییهاتووە، بە ڕێژەیەک کە نزیکە لە پێنج ملیۆن تۆن گەنمی کۆگاکراو".

وەزارەتی بازرگانیی عێراق لە مانگی نیسانی ئەمساڵەوە دەستیکرد بە وەرگرتنی گەنمی جووتیاران، بەڵام لە هەرێمی کوردستان پرۆسەی وەرگرتنی گەنم لە مانگی ئایارەوە دەستیپێکرد، لەو بڕەشی لە جووتیارانی هەرێم وەرگیراوە، حکومەتی فیدراڵ تەنها 390 هەزار تۆنی لە حکومەتی هەرێم وەرگرتووە.
زۆرترین بینراو
هیلاری كلینتۆن و كچەكەی بەرخۆدانی "كچانی كۆبانێ" دەكەنە زنجیرە درامایەكی تەلەفزیۆنی
فازڵ نەبی: ئه‌گه‌ر هه‌یه‌ ئەمساڵ هەرێمی کوردستان بێ بەش بکرێت لەبودجەی عێراق
هێزێکی دەمامکداری پارتی قارەمان شوکرییان لە ماڵەکەی خۆیدا ڕفاند
حکومەتی هەرێم رازی نەبووە بە رادەستکردنی دۆسیەی نەوت بە بەغدا
دارایی پەرلەمانی عێراق پێشبینی دەكا لەكۆبونەوەی داهاتودا لەگەڵ وەفدی هەرێم بگەنە رێككەوتن
زیاتر له‌ 100 په‌رله‌مانتار داوا ده‌كه‌ن هه‌رێم 460 هه‌زار به‌رمیل نه‌وتی‌ رۆژانه‌ راده‌ستی‌ به‌غدا بكات
نێچیرڤان بارزانی: دو فیلمە ئێرانییه‌كه‌ بەسوكایەتیكردن بەخەڵكی كوردستان‌و سەركردایەتییه‌كه‌ی دادەنێین
دو برا لە عەنكاوە بە دەستڕێژی گوللـە كوژران
قائیمقامیه‌تی سلێمانی بەکارهێنانی جۆرێکی دەرمان قەدەغە دەکات
بڕیارده‌ری لیژنه‌ی دارایی پەرلەمانی عێراق: له‌كۆبونه‌وه‌ی داهاتودا رێكکه‌وتن لە نێوان ھەرێم و بەغدا ده‌كرێت
© 2021 Awene Online, Inc. All Rights Reserved.
×