هەردو کۆمپانیای فایزەرو بایۆنتێک بەفەرمی داوای بەکارهێنانی ڤاکسینەکەیان دژی‌ کۆرۆنا دەکەن
  2020-11-20       264       
هەردو کۆمپانیای فایزەرو بایۆنتێک بەفەرمی دوا لەدامه‌زراوه‌ی‌ خۆراك‌و ده‌رمانی‌ ئه‌مریكی‌ (FDA) دەکەن بەپەلە ڕێگەیان پـێبدات ڤاکسینەکەیان دژی‌ ڤایرۆسی کۆرۆنا دابەش بکەن تا لەخەڵک بدرێت.

ئاوێنه‌: فایزەر ئەمڕۆ هه‌ینی‌ لەسەر ماڵپەڕەکەی نوسیویەتی، ڤاکسینەکەیان بۆ کۆڤید 19 کە بە BNT162b2 ناونراوە ئەنجامی زۆر باشی هەیەو دەرکەوتووە بەڕێژەی 95% کاریگەری هەیە.

دەشڵێت، ئەو ئەنجامانەی پـێیگەیشتون لەڕێگەی ئەو سێ قۆناغی تاقیکردنەوانەیە کە تیایاندا ڤاکسینەکەیان بەسەر هەزاران کەس تاقیکردووەتەوە وە ئەو کەسانەش تەمەنیان لە 12 ساڵەوەیە هەتا 85 ساڵ‌و لەناو ئەمریکاو دەرەوەی ئەمریکان.

فایزەر ئاماژه‌ بۆ ئه‌وه‌ ده‌كات كه‌ پـێشبینی دەکات لەگەڵ کۆمپانیای بایۆنتێک بتوانن هەتا کۆتایی ئەمساڵ 50 ملیۆن دەرزی ڤاکسینەکە دروستبکەن‌و هەتا کۆتایی ساڵی 2021 یش نزیکەی 1.3 ملیار دەرزی دیکە دروستبکەن.

هیچ دەرمانێک یان ڤاکسینێک لەئەمریکا بەکارناهێنرێت هەتا دامه‌زراوه‌ی‌ خۆراك‌و ده‌رمانی‌ ئه‌مریكی‌ (FDA) ڕەزامەندی لەسەر نەدات.
زۆرترین بینراو
© 2020 Awene Online, Inc. All Rights Reserved.
×