2021-04-01 349
.jpeg)
سەرۆكوەزیرانی عێراق ڕایدەگەیەنێت، پەسەندكردنی پرۆژەیاسای بودجە هەنگاوێكی گرنگە بەرەو پێشەوە.
ئاوێنە: مستەفا كازمی، سەرۆكوەزیرانی عێراق بەرەبەیانی ئەمڕۆ پێنجشەممە 1ی نیسان لە تویتێكدا ڕایگەیاند، پەسەندكردنی بودجەی فیدڕاڵ لەلایەن ئەنجومەنی نوێنەرانەوە هەنگاوێكی گرنگە بەرەو پێشەوە سەرەڕای تێبینییەكان و، بەڵگەی ئەوەیە كە كاری پێكەوەیی، پێشكەوتن و سەقامگیری دێنێتە ئاراوە.
ئەوەشی وت، “ڕێچكەی بەریەككەوتن و گرفتەكان نامانگەیەنێتە ئەنجام، با دەستبەكاربكەین بۆ خزمەتكردنی گەلەكەمان”.
كازمی ئاماژەشیدا، چاوی لەسەر “تەواوكردنی چوارچێوەی یاسایی هەڵبژاردنە بە پەسەندكردنی یاسای دادگای باڵای فیدڕاڵی”.
شەوی ڕابردوو ئەنجومەنی نوێنەرانی عێراق پڕۆژەیاسای بودجەی گشتیی ساڵی 2021ی پەسەندكرد، پڕۆژەكە پاش پەسەندكردنی لەلایەن سەرۆككۆمار و بڵاوكردنەوەی لە ڕۆژنامەی وەقایعی فەرمییەوە دەبێتە یاسا و پێویستە لەلایەن هەردوو حكومەتی ناوەند و هەرێمی كوردستانەوە پەسەندبكرێت