دەستبەسەر برێكی زۆر لەجگەری بەستو دەگیرێت
  2019-05-18       523       



لیژنە هاوبەشەكانی قائیمقامیەتی سلێمانی‌ دەست بەسەر بڕێكی زۆر جگەری بەستووی قەدەغەكراودا‌ دەگرن و سەرۆكی لیژنەكانیش دەڵێت رێكاری یاسایی بەرامبەر خاوەنەكەی دەگیرێتە بەر.

ئاوێنە، راگەیاندنی قایمقامیەتی سلێمانی: گۆران قادر، سەرۆكی لیژنە هاوبەشەكانی قائیمقامیەتی سلێمانی رایگەیاند؛ لەلایەن لیژنەی دوی سەربەلیژنە هاوبەشەكانی قائیمقامیەت، دەست بەسەر بڕی (360) پارچە جگەری بەستووی قەدەغەكراودا گیراوە كه خاوەنەكەی‌ بەشێوەیەكی نایاسایی و لەژێر باردا و بەنیازی ساخكردنەوەی هێنابووی بۆ بازاڕەكانی‌ شاری سلێمانی.

وتیشی" بەپێی رێنماییەكانی‌ تەندروستی وڤێتێرنەری جگەری بەستووی مریشك كە یەكجار خاوبووەوە نابێت بۆ دوباره بەستنەوەی‌ بخرێتەوە ناوبەفرگر، چونكە بەها خۆراكیەكەی لەدەست دەدات ودەبێت بە ناوەندێك بۆ تەشەنەكردنی میكرۆب و زیان گەیاندن بە تەندروستی مرۆڤ بۆیە هاوردەكردنی جگەر قەدەغەكراوە."

سەرۆكی لیژنە هاوبە‌شەكانی قائیمقامیەتی سلێمانی ئاماژەی بەوەشدا" بەفەرمانی قائیمقامی سلێمانی تەواوی ئەو جگەره بەستووە‌ی لەلایەن لیژنەكانەوە دەستی بەسەردا گیراوه،‌ رادەستی بەڕێوەبەرایەتی ڤێتێرنەری سلێمانی دەكرێت بۆ لەناوبردن و لەلایەن لیژنە هاوبەشەكانەوە خاوەنەكەی روبەروی رێكاری یاسایی دەكرێتەوە."

زۆرترین بینراو
© 2020 Awene Online, Inc. All Rights Reserved.
×