ئەردۆغان كتێبه‌كه‌ی به‌ناوی جیهانێكی دادپه‌روه‌رانه‌تر له‌ توانادایه‌ بڵاده‌كاته‌وه‌
  2021-09-06       546       
میدیاکانی تورکیا بڵاویانکردووەتەوە، ئەمڕۆ 6ی ئەیلوول کتێبەکەی ڕەجەب تەیب ئەردۆغان، سەرۆک کۆماری تورکیا بەناوی “جیهانێکی دادپەروەرانەتر لە توانادایە” بڵاودەبێتەوە.

ئاوێنه‌: کتێبەکەی ڕەجەب تەیب ئەردۆغان کۆمەڵێک تەوەری لەخۆگرتووە، لەوانە “نادادپەروەری لە جیهاندا، قەیرانی پەنابەران، تیرۆری نێودەوڵەتی و کاریگەری لەسەر ئیسلام”.

کتێبەکەی ئەردۆغان بە زمانەکانی ئینگلیزی و عەرەبی و ئەڵمانی ئامادەیە و لەلایەن کۆمپانیایەکی چاپ و بڵاوکردنەوەوە بۆ تورکیا و جیهان دەنێردرێت.

باسکردنی پرسی دادپەروەری لەلایەن ڕەجەب تەیب ئەردۆغانەوە و نووسینی کتێبێک بەو ناونیشانە، هاوکاتە لەگەڵ ڕەخنە ناوخۆییەكان و کۆمەڵگەی نێودەوڵەتی سەبارەت بە پێشێلکارییەکانی مافی مرۆڤ لەلایەن حزبی دەسەڵاتداری تورکیاوە بەسەرۆكایەتی ڕەجەب تەیب ئەردۆغان.

پێشتر لەبارەی پێشلکارییەکانەوە ڕێکخراوەکانی مافی مرۆڤ ئاشکرایان کردبوو، لەدوای کودەتا شکستخواردووەکەی شەوی 15ی تەموزی ساڵی 2016، بەشێوەیەکی بەرچاو پێشێلیکاری مافی مرۆڤ ڕووی لە زیادبوون کردووە، ئەوەش دوای کارکردن بەیاسای باری نائاسایی لەتەواوی تورکیادا بۆ ماوەی چەند ساڵێك.
زۆرترین بینراو
© 2021 Awene Online, Inc. All Rights Reserved.
×