2021-10-14 487
بەرنامەى خۆراکى جیهانى بوونى قەیرانى توندى خراپى خۆراک بەدور دەزانێت لەعێراق و جەختدەکاتەوە کەمى باران و وشکەساڵى لەساڵى رابردوودا هاوشێوەى نەبووە لەماوەى 40 ساڵدا.
ئاوێنه: عەلى رەزا نوێنەرى بەرنامەى خۆراکى جیهانى لەعێراق بە رۆژنامەى فەرمى عێراقى راگەیاند "بەرنامەى خۆراکى جیهانى بۆ 2020 ـ 2024 هێڵەکانى پشتیوانى عێراقى تێدایە، کە دەگونجێت لەگەڵ روانگەکەى بۆ ساڵى 2030".
وتیشى بەرنامەکە 39 هەزار ئاوارە و جوتیار لەخۆ دەگرێت بۆ دەستخستنى هەلى کار بەتایبەتى لەو ناوچانەى کە بەهۆى کۆرۆناوە زیانیان بەرکەوتووە.
عەلى رەزا دەڵێت "ئابورى عێراق توشى شۆک بووە، بەهۆى نزمى نرخى نەوت و کۆرۆناوە، سەربارى کەمکردنەوەى بەهاى دینار، ئەوەش کاریگەرى لەسەر ئاسایشى خۆراک دروستکردووە".
دەشڵێت دیاردەى وشکەساڵى بەهۆى کەمى بارانەوە بووەتە هۆى کەمى بەرهەمى کشتوکاڵى، بەتایبەتى دانەوێڵە بەرێژەى 38 ٪، بۆ نمونە نەینەوا 70 ٪ ى گەنمى لەدەستداوە لەگەڵ سەرجەمى بەرهەمى جۆ، هەروەها دانەوێڵە لەهەرێم بۆ نیوە کەمیکردووە.