سلێمانی؛ پێشانگای "خەونی خەونەكان" قەرەنی جەمیل بۆ ماوەی سێ مانگ بەردەوام دەبێت
  2021-11-06       461       

گەلەری ئێستا لە کارگەی جگەرەی کۆنی سلێمانی-کارگەی کولتور، پێشانگایەکی تایبەتی گەورە بۆ هونەرمەندی شێوەکار قەرەنی جەمیل لەژێر ناوی (خەونی خەونەکان) بۆ ماوەی سێ مانگ دەکاتەوە.

ئاوێنە: دارا ڕەسوڵ، دامەزرێنەری گەلەری ئێستاو ڕێکخەری پێشانگەکە لە لێدوانێکی تایبەتدا بە ئاوێنەی ڕاگەیاند، (خەونی خەنەکان) ناوی پڕۆژەی هونەری و پێشانگاکەی هونەرمەند قەرەنی جەمیلە کە لە 52 تابلۆی قەبارە گەورەو ناوەندو بچوك پێکهاتوەو لە نێوان ساڵانی 1996-2021 دا بەرهەمهاتون و هونەر دۆستان دەتوانن لە گەلەری ئێستا بینەرییان بن.

پێشانگاكە لە رێکەوتی 30.10.2021وە كراوەتەوەو تاوەكو 30.1.2022 بەردەوام دەبێت.

قەرەنی جەمیل لە فەزایەکی سێ ڕەهەندی کەرەستەو مەتڕیاڵی تابلۆکانی ڕەنگی ئەکڕیلیک لەگەڵ ئاردی کاغەز تێکەڵ بە یەک دەکات و لەسەر مەتڕیاڵی وێنەهەڵگری وەک کانڤاس دەیاننەخشێنێت یاخود بە ڕەنگی ئاوی لەسەر کاغەز بەرهەمە هونەرییەکانی دێنێتەکایەوە.

پێشانگاکە لە ڕێکەوتی 30.10.2021 تاوەکو 30.01.2022 بەردەوام دەبێت، ڕۆژانە لە کاتژمێر 10ی بەیانیەوە تا 5ی ئێوارە کراوەیە، ڕۆژانی یەکشەممە داخراوە.

زۆرترین بینراو
© 2021 Awene Online, Inc. All Rights Reserved.
×