بەڕیتانیا ٣٨٦ ئەندامی ئەنجومەنی دومای ڕووسی سزادا
  2022-03-11       363       


وەزارەتی دەرەوەی بەریتانیا سزای بەسەر ٣٨٦ ئەندامی ئەنجومەنی دومای ڕووسیادا سەپاند کە دەنگیانداوە بە سەربەخۆناسینی هەریەکە لوگانسک و دۆنتسک.

ئاوێنه‌: لە راگەیەندراوێکی وەزارەتی دەرەوەی بەڕیتانیادا ڕایگەیاندووە، لیز تراس، وەزیری دەرەوەی بەریتانیا، ئەمڕۆ سزای سەپاند بەسەر 386 ئەندامی ئەنجومەنی دومای ڕووسدا.

ئەنجومەنی دومای ڕووسیا هاوشێوەی پەرلەمانی وڵاتانی دیکەیە و ٣٨٦ ئەندامی ئەنجومەنەکە پێش دەستپێکردنی هێرشی روسیا بۆ سەر ئۆکراین  پشتگیری خۆیان لە هەرێمەکانی لوگانسک و دۆنتسک دەر بڕی و دەنگیاندا بەفەرمی ناسینی ئەو دوو هەرێمە.

بە گوێرەی ڕاگەیەندراوەکەی وەزارەتی دەرەوەی بەریتانیا “سزاکان بریتین لە بلۆککردنی سەرمایەکانیان لە بەریتانیا و سەپاندنی قەدەغەی چوونە ناو بەریتانیایە”.

زۆرترین بینراو
© 2023 Awene Online, Inc. All Rights Reserved.
×