لەنێو هەفتەبازارێكی شاری سلێمانی دەستبەسەر شمەك‌و كاڵای ماوە بەسەرچودا دەگیرێت، سەرۆكی لیژنەی 3 ی سەربە لیژنەهاوبەشەكانی قایمقامیەتی سلێمانی رایدەگەیەنێت بڕی ئه‌و كاڵاوشمه‌كانه‌ی ده‌ستی به‌سه‌ردا گیراوه‌ زیاتر له‌ یه‌ك تۆن ده‌بێت.

ئاوێنە: بورهان مسته‌فا، سه‌رۆكی لیژنه‌ی سێ-ی سه‌ربه‌ لیژنه‌ هاوبه‌شه‌كانی قائیمقامیه‌تی سلێمانی رایدەگەیەنێت له‌ئه‌نجامی سه‌ردانی لیژنه‌كه‌یان بۆ بازاڕ و شوێنه‌گشتیه‌كان و پشكنینه‌ به‌رده‌وامه‌كان له هه‌فته‌ ‌بازاڕی "سیدرای دو"ده‌ستبه‌سه‌ر بڕێكی زۆر كاڵاوشمه‌كی جۆراوجۆری ماوه‌به‌سه‌رچودا گیراوه‌.

دەشڵێت "بڕی ئه‌و كاڵاوشمه‌كانه‌ی ده‌ستی به‌سه‌ردا گیراوه‌ زیاتر له‌ یه‌ك تۆن ده‌بێت، كه‌ له‌ به‌سه‌ر 40 فاست، 104 پاکەت شیلە، 115 سپرای بۆن، 119 شامپۆی جۆراوجۆر، 95 سابون، 36 کرێمی پێست پێك هاتوون و به‌شێكیان ماده‌ی خاوێنكردنه‌وه‌ و به‌شێكیشی له‌بواری جوانكاری به‌كارده‌هێنرێن، رێنماییه‌ ته‌ندروستییه‌كان هه‌میشه جه‌خت له‌وه ‌ده‌كه‌نه‌وه‌ ئه‌و كاڵاو شمه‌كانه‌ی ماوه‌ی به‌كارهێنانیان كۆتایی دێت پێویسته له‌ناوبرێت، له‌به‌ر ئه‌وه‌ی زیان بۆسه‌ر ته‌ندروستی مرۆڤی به‌كارهێنه‌ر دروست ده‌كات، به‌ڵام خاوه‌نی ئه‌م كاڵاوشمه‌كانه‌ به‌نیازی ساخكردنه‌وه‌ی بون".