فراكسیۆنی یهكێتی لهئهنجومهنی نوێنهرانی عێراق لهراگهیهندراوێكدا ئیدانهی بۆردومانهكهی توركیا بۆ سهر شارۆچكهی مهخمورو ناحیهی ئاغجهلهر لهچهمچهماڵ دهكاتو داوای ههڵوێستی "ڕونو بوێر" لهحكومهتی عێراق دهكات.
ئاوێنه: دهقی ڕاگهیهندراوهكه:
فڕاکسیۆنی یەکێتی نیشیمانی کوردستان لە ئەنجومەنی نوێنەرانی عیراق ، دەستدرێژیە دووبارە بووەکانی تورکیا بۆ سەر خاکی عێراق وبوردومان کردنی شارۆچکەی مەخموور وناحیەی ئاغجەلەر لە شارۆچکەی چەمچەماڵ و گەیاندنی زیان بە ئەمن و ئاسایشی هاوڵاتیانی هەرێمی کوردستان کە چوار شەهید وهەشت برینداری لێکەوتەوە ، ئیدانە و رسوا دەکەین.
ئەو کردوە ودەستدرێژیە بەردەوامەکانی دەوڵەتی تورک پێشێلکردنێکی زەقە بۆ سەر سەروەری خاکی عیراق وپرەنسیپەکانی هاوسێیەتی باش و سەرجەم نەریت وپەیمانە نێودەوڵەتیەکانە .
هەروەها ، ئێمە لە فڕاکسیۆنی یەکێتی نیشتیمانی کوردستان لە ئەنجومەنی نوێنەرانی عێراق ئەم دەستدرێژیە قێزەوەنە ئیدانە و مەحکوم دەکەین ، بەڵکۆ بە کارێکی قێزەوەن وڕەتکراو لە قەڵەمی دەدەین بەهۆی ئەو زیانەی کە بەگیان و مۆڵکی گشیدا گەیاندوە .
هەروەها داوا لە حکومەتی عێراق دەکەین هەڵوێستێکی ڕوون وبوێر ڕابگەینێت و سەرجەم شێواز ورێکارەکان لە نێوانیاندا رێکارە دبلوماسییەکان بگرێتەبەر بۆ دانانی سنورێک بۆ ئەم تاوان و پێشێلکاریە زەقانە لە پێناو پاڕاستنی سەروەری خاکی عێراق و گیان و موڵکی گەلەکەی.
فڕاکسیۆنی یەکێتی نیشتیمانی کوردستان لە ئەنجومەنی نوێنەرانی عێراق
٢١/٥/٢٠٢٢