حكومەتی ئەفغانستان، چوونە پارك و باخچەكانی لە ژنانی وڵاتەكەی قەدەغەكرد.
ئاوێنه: حكومەتی ئەفغانستان بە رابەرایەتیی بزوتنەوەی تاڵیبان، لە نوێترین بڕیاریدا لەبارەی ژنانەوە دەڵێت، “كۆت و بەند دەخرێتەسەر چوونی ژنان بۆ پاركەكان”.
بڕیارەكە لە لایەن “وەزارەتی نوێژ و رێنوێنی و فەرمانكردن بە چاكە و رەتكردنەوەی خراپە”وە دەركراوە و كاردانەوەی بەدوای خۆیدا هێناوە، بە پێشێلكارییەكی دیكەی مافی مرۆڤ و مافەكانی ژنان وێنادەكرێت.
دوای گرتنەدەستی دەسەڵات لە ئەفغانستان، بزوتنەوەی تاڵیبان چەندین كۆتی خستەسەر ئازادییەكانی ژنان، لەوانە قەدەغەكردنی خوێندن لە چەندین ناوەندی خوێندن و جیاكردنەوەی كوڕان و كچان لە زانكۆكاندا و قەدەغەكردنی چوونەدەرەوەی ژنان بەبێ پیاوانی خانەوادەكانیان.