یادی جینۆسایدی شنگال دەرفەتێک بۆ..

د. شێركۆ حه‌مه‌ئه‌مین
  2019-08-03     208
ئەمڕۆ ٣/٨/٢٠١٩ پێنج ساڵ بەسەر کەوتنی شنگال و جینۆسایدی کوردانی ئێزدی تێپەڕدەبێت، رۆحی قوربانییەکان شاد و بەھیوای ساڕێژبوونی برینەکانیان، کوردانی ئێزدی لەمێژودا نزیکەی حەفتاوسێ جار کۆمەڵکوژی و کارەساتیان بەسەردا ھاتووە، بەزمانی خۆیان ( فەرمان) کەدواھەمینیان لەسەر دەستی تیرۆرستانی داعش بوو لە ٣/٨/٢٠١٤ ، ئەوکات ئێمە لەخولی چوارەمی پەرلەمانی کوردستان بووین، لیژنەکانی پەرلەمان سەردانی مەیدانیمان دەست پێکرد و بەرەکانی شەڕ و ئاوارەکانی شنگالمان لە شوێنە جۆراوجۆرەکان بەسەردەکردەوە و لە نزیکەوە قسەمان لەگەڵ دەکردن بۆ نمونە کۆمەڵگای ( خانکێ) نزیکەی ۷٠ ھەزار ئاوارەی لێ بوو، توڕەیی و بێزارییان لەدەست ئەو ھێزانەی کە لەشنگال بووبوون و بێ بەرگری شارەکەیان چۆڵکردبوو بەسیمایانەوە دیاربوو بەئاشکرا قسەیان دەکرد، من ھەر ئەوکات وتم زۆر دۆخەکەیان قورسە وبەئاسانی برینەکانیان ساڕێژنابێ و کوردبوونیشیان دەکەوێتە مەترسیەوە.

ئەوکات ھەر لیژنەیەک ڕاپۆرتی ئەنجامی سەردانی خۆی ئامادەکرد و لەدانیشتنێکی پەرلەماندا، کرانە بڕیار و ڕاسپاردە و  بڕیار و دەرچوێنران و لەئاستی سەرۆکایەتی ھەێم و پەرلەمان و حکومەتدا لیژنەی لێکۆڵینەوە پێکھات، بەڵام نەئەنجامیان ھەبوو، نەکەسیش بەرپرسیارێتی کەوتنی شەنگالی ھەڵگرت و ھێزی حزبیش وەک خۆی مایەوە.

دە رۆژ پێش کەوتنی شەنگال و دوای کەوتنی موسڵ پەرلەمان ھەردوو بڕیاری ژمارە ۱۸و ۱۹ ی دەرکرد، بریاری ژمارە ۱۸ ساڵی ۲٠۱٤ تایبەت بوو بە ھێزەکانی پێشمەرگە و خاڵی چوارەم دەڵێت:

پێویستە سەرجەم ھێزەکانی پێشمەرگە، لەماوەی ٦ شەش مانگدا لە ژێر چەتری وەزارەتی پێشمەرگەدا یەکبخرێن، بەتایبەتی یەکەکانی ۷٠  و ۸٠ ی یەکێتی و پارتی، ئێستا کە ھەرسێ لایەنی دەسەڵات پارتی و یەکێتی و گۆڕان گوایە لەسەر چاکسازی ڕێککەوتوون، ھەرسێکیان باسی یەکخستن و بەدامەزراوەییکردنی ھێزەکانی پێشمەرگە دەکەن، باشترین کارێک لەم بوارەدا بیکەن ئەوەیە ساڵیادی جینۆسایدی شەنگال بکەنە دەرفەتی جێبەجێکردنی بڕیاری ژمارە ۱۹ساڵی ۲٠۱٤ و ھێزی حزبی کۆتایی پێ بھێنن و سەرجەمیان بخەنە ژێر فەرمان و چەتری وەزارەتی پێشمەرگە و توانای سەربازی زانستی و ناحزبی کارەکان بەڕێوەببەن.

ھەنگاوەکانی ئەم پرۆسەیەش، یەکخستنەوە و بەدامەزراوەیی کردنی ھێزی پێشمەرگەیە، کاتی خۆی و ۲٠۱٤ یادی بەخێر کاک نەوشیروان بەپرۆژە و بە نوسین پێی داون و ئامادەیە.
زۆرترین بینراو
سه‌رۆك وه‌زیرانى ئیسرائیل هه‌ڕه‌شه‌ له‌عێراق ده‌كات
جەهەپە: ئاکەپە ئامادەکاری دەکات سەرۆک شارەوانییەکانی ئیستەنبوڵ‌و ئەنقەرەش دوربخاتەوە
فازڵ میرانی: ڕێگە نادەین لەهەرێمی کوردستانەوە هەڕەشە لەئاسایشی ئێران بکرێت
عومەر بەشیر لەنێو قەفەس دادگا: ٢٥ ملیۆن دۆلارم لە محەمەد بن سەلمان وەرگرتووە
یەکێتی ئەوروپا: لابردنی سێ سەرۆک شارەوانییەکە سه‌لماندی دیموكراسی له‌توركیا بونی نییه‌
كشتوكاڵی سلێمانی سزای‌ 27 فه‌رمانبه‌ری‌ دا له‌سه‌ر ئه‌وه‌ی‌ پابه‌ندنه‌بوون به‌كاتی ده‌وامكردنه‌وه‌
سوپای سوریا لە ئاسمانەوە هێرشی کردە سەر کاروانێکی سەربازی سوپای تورکیا
لاهور شێخ جه‌نگی بۆ مه‌سرور بارزانی: حکومەتێکی پڕلە شکست و نەهامەتی چاوەڕوانی خەڵکی کوردستان دەکات
هۆشیار زێباری: هەڵەمان كرد لە بڕیاری ریشەكێشكردنی حزبی بەعسدا
وتەبێژی حكومەتی هەرێم: ئامادەین داهاتی 250 هەزار بەرمیل نەوتی رۆژانە رادەستی بەغدا بكەین
© 2018 Awene Online, Inc. All Rights Reserved.
×