ژەنراڵ ساعدی دەکرێتە سەرۆکی حکومەت

هونەر تۆفیق
  2019-10-30     1440
عەبدولوەهاب ساعدی ، ژەنراڵی دژە تیرۆری لەسەر کار لادراو ، دەکرێتە چارەسەری فیرقە ناکۆکەکانی حوکمڕانی لە عێراقدا .
ئەم ژەنراڵە ، لە ئێستادا بەدڵی هەموو لایەنەکانە . لای شیعەکان خۆشەویستە لەبەر ئەوەی سەخترین شەڕی لەدژی داعش ئەنجامدا . لای سونەکانیش قبوڵ دەکرێت ، چونکە تەنیا جەنگاوەری حکومەتی شیعەکان بوو ، لە جەنگەکانیدا تۆڵەی لە سونەکان نەکردۆتەوە و ڕێزی زۆری لێدەگرن . پەیوەندی تایبەتی بە کوردەکانەوە هەیە ، کاری هاوبەشیان پێکەوە ئەنجامداوە لەدژی داعش . لە ڕۆژی دووەمی کەوتنی کەرکوکدا ، ساعدی بەبێ هیچ ئیستفزاز و گیڤبوونەوەیەک چووە ناو کەرکوکەوە و بەناو خەڵک و بازاڕەکەیدا سوڕایەوە . زۆرترین هاوسەنگەری لەگەڵ سوپای ئەمریکادا هەبوو لەشەڕی داعشدا ، لەهەمان کاتدا میحورەکانی لەگەڵ ئێرانیەکاندا دابەشدەکرد بۆ بەریەک نەکەوتنینان لەگەڵ ئێرانیەکاندا . جێگەی تەقدیری سوپای عێراقە و دۆستی سەرکردەکانی حەشدی شەعبیشە . نزیکایەتیەکی تایبەتی لەگەڵ موقتەدا سەدردا هەیە .
بۆ جێبەجێکردنی داخوازیەکانی خۆپیشاندەران کە سەدر بە گەرمی لەگەڵیاندا هاتۆتەپێشەوە ( وەک هەمیشە سەدر فرسەت لەدۆخەکە دەگرێت و بەقازانجی خۆی دەیقۆزێتەوە ) لەگەڵ هادی عامریدا کۆکە بۆئەوەی عادل عەبدولمەهدی - سەرۆک وەزیران لە حکومەت دوربخەنەوە .
بەهێزترین چارەسەر لەنێوان هەموو فیرقەکاندا ، ژەنراڵ ساعدیە کە سەدر و سونە و شەقامی عێراقیش پەسەندی دەکەن .
بەڵام ساعدی چەندە چارەسەری قەیرانی خستنی حکومەتە ، دوو هێندەش بێدەستەڵات دەبێت لە چارەسەری قەیرانە قوڵەکانی عێراقدا . ناتوانێت ببێتە چارەسەری پرسی ریفۆرم لە عێراقدا . ئەوانەی هیوایان بە ریفۆرمە لە عێراقدا ، لەوە تێدەگەن کە مەترسی عەسکەر بۆ داهاتووی حکومەتی مەدەنی لە عێراقدا چەند هەستیار و ئالۆزە ؟!
زۆرترین بینراو
هۆکاری خێرابڵاوبونەوەی ڤایرۆسی كۆرۆنا لە جیهان دۆزرایەوە
خالید ره‌نجده‌ر: نیگه‌رانین مامۆستا كرێكار ڕاده‌ستی‌ ئه‌رده‌ن یان عێراق یان ئه‌مریكا كرابێته‌وه‌
رێژه‌ی مردن، باش و خراپی سیستمی ته‌ندروستی ده‌ره‌خات
"حكومه‌تی‌ هه‌رێم به‌نیازه‌ له‌مه‌ودوا 45 - 50 ڕۆژ جارێك موچه‌ دابه‌شبكات"
په‌رله‌مانتارێك بۆ به‌شیر حه‌داد: بەرنوێژیکردنی کۆمەڵگه‌ بەو شێوەیەی جەنابت، لای خوا قبوڵ نییە
هه‌شت په‌رله‌مانتاری‌ كورد له‌به‌غدا هۆشداری‌ ده‌ده‌نه‌ حكومه‌تی‌ هه‌رێم له‌باره‌ی‌ كه‌مكردنه‌وه‌ی‌ موچه‌
وه‌زیری‌ ناوخۆ ڕه‌تیده‌كاته‌وه‌ حكومه‌تی‌ هه‌رێم به‌نیازی‌ كه‌مكردنه‌وه‌ی‌ موچه‌ی‌ فه‌رمانبه‌ران بێت
وه‌زیری‌ ناوخۆ: بڕیارماندا قه‌ده‌غه‌كردنی‌ هاتوچۆ تا 10 رۆژی‌ دیكه‌ درێژبكه‌ینه‌وه‌
وەزارەتی تەندروستی: 8 توشبوی نوێی‌ ڤایرۆسی کۆڕۆنا له‌سلێمانی‌‌و دهۆك تۆماركرا
سوپای پاسدارانی ئێران بۆ له‌ناوبردنی كۆرۆنا هاوكاری ئه‌مریكا ده‌كات
© 2018 Awene Online, Inc. All Rights Reserved.
×