ئێوارەی ئەمڕۆ سێشەممە، لەبەردەم یەكێك لە قوتابخانە سەرەتاییەكانی شارۆچكەی هارسە لەباكوری بەسرە ئۆتۆمبێلێك ژمارەیەك خوێندكاری شێلا، وەزارەتی ناوخۆی عێراق دەڵێت، لە روداوەكەدا 6 خوێندكار گیانیان لەدەستداوەو 14ی دیكەش برینداربون.
ئاوێنە: عەمید مقداد میری، وتەبێژی وەزارەتی ناوخۆی عێراق لە راگەیەندراوێكدا وتی، ئۆتۆمبێلێكی بارهەڵگر لە قەزای هارسە لە باكوری پارێزگای بەسرە، ژمارەیەك خوێندكاری شێلاون و لە ئەنجامی روداوەكەشدا لانیكەم 6 خوێندكار گیانیان لەدەستداوەو 14 خوێندكاری دیكەش برینداربون.
ئەوەشی خستۆتەڕو، شۆفێری ئۆتۆمبێلەكە دەستگیركراوە. بەپێی لێكۆڵینەوە سەرەتاییەكان كێشە لە ئیستۆپی ئۆتۆمبێلەكەدا هەبوەو بەوهۆیەوە ئۆتۆمبێلەكە لە كۆنترۆڵی شۆفێرەكە دەرچوەو روداوەكەش ئێوارەو لە كاتی تەواوبونی دەوامی رەسمی قوتابخانەكەدا بوە.
لەدوای روداوەكە پارێزگاری بەسرە سێ رۆژ ماتەمینی لە پارێزگای بەسرە راگەیاندو هاوكات وەزارەتی پەروەردەی عێراق ماتەمینی راگەیاند.