پۆلیسی سلێمانی دەستگیركردنی تۆمەتبارێكی راگەیاند كە بە زەبری چەك
ئۆتۆمبێلی لە هاوڵاتییەك سەندبو.
ئاوێنە: بەڕێوەبەرایەتی پۆلیسی پارێزگای سلێمانی، ئەمڕۆ هەینی
لەڕاگەیەندراوێكدا بڵاویكردەوە كە دوای ئەوەی لە رۆژی 19ی ئەم مانگە هاوڵاتییەك لە
بەشی نەهێشتنی تاوانی سلێمانی سكاڵای لەدژی كەسێك تۆماركرد كە بەزەبری چەك
ئۆتۆمبێلەكەی بردبو، هێزەكانی بەشی پۆلیسی نەهێشتنی تاوان لێكۆڵینەوەكانیان دەستپێكرد.
هێمای بۆ ئەوەش كردوە كە دوای وەرگرتنی فەرمانی دادوەر توانرا لەڕۆژی ٢١ی٢ی٢٠١٩
تۆمەتبار دەستگیربكرێت و دەستیش بگیرێت بەسەر ئۆتۆمبێلەكەدا.
ئەوەشی خستۆتەڕو كە لەئێستادا تۆمەتبار بەفەرمانی دادوەرو بەپێی ماددەی ٤٤٢
لەیاسای سزادانی عیراقی ڕاگیراوە.