2020-02-23   521     
كهمێك پێش ئێستا بوومهلهرزهیهك به گوڕی 5.7 پارێزگای ورمی و چهند شارێكی دهوروبهری ئهو پارێزگایه دهههژێنێت و تا ئێستا زیانهكانی نهزانراوه.
ئاوێنه: ئاژانسی تهسنیمی ئێران بڵاویكردۆتهوه كه سهعات 9:22 خولهك به كاتی ئێران و سهعات 8 و 52 خولهك به كاتی ههرێمی كوردستان، بوومهلهرزهیهك به گوڕی 5.7 پارێزگای ورمێی له ئێران ههژاندووه.
بههێزی بوومهلهرزهكه بهڕادهیهك بووه كه لهشارهكانی تهورێز و دهوروبهریشی ههست پێكراوه.
هاوكات حكومەتی توركیاش ئاشكرایكرد كە بومەلەرزەیەك ناوچەكانی شاری وان و سەرای گرتۆتەوە كە دەكاتە رۆژهەڵاتی ئەو وڵاتە.
ئاژانسی رۆیتەرز ئاشكرایكرد كە بومەلەرزەكەی توركیا بە دووری 28 كیلمەتر بووە لە باشووری رۆژهەڵاتی سەرای.
تا ئێستا حكومەتی توركیا و ئێران لە بارەی ئەو بومەلەرزە و زیانەكانی هیچیان بڵاو نەكردۆتەوە.