ئا: کاوە رەش

 خانمە لیز ترۆس، دەبێتە سەرۆکوەزیرانی نوێی بەریتانیا، دوای ئەوەی لە کێبڕکێی سەرکردایەتی پارتی پارێزگاران، شکستی بەڕیشی سوناک هێنا.

 ئەنجامەكانی پێشبینی زۆر نزیك نوون لەوەی زۆرێک لە شارەزایان چاوەڕوانیان دەکرد، ترۆس بە 57%ی دەنگی ئەندامانی پارتەكەی ڕەوایەتی  وەرگرت، لەوەی ببێتە سەرۆكی پارتی كۆنسەرڤاتیڤ و سەرۆكوەزیرانی بەریتانیا.

 لە وتەیەکیداو لەناوەندێکی کۆنفڕانس لەوێستمینستەر، سوپاسی ڕكابەرەكەی ڕیشی سوناکی کرد بۆ "هەڵمەتێکی سەخت"و بەڵێنی دا بەپلانێکی بوێرانە حوكمەتی نوێ ڕێكبخاتەوە.

 تروس ڕۆژی سێشەممە، دەبێتە سەرۆکوەزیرانی  وڵاتەكەی دوای ئەوەی بەگەشتێك دەچێتە دیداری شاژن، لەشاری بالمۆرال لەسکۆتلەندا.

 سەرۆكوەزیرانی نوێ، دوای دەست بەكاربونی دەستبەجێ دەخرێتە ژێر فشارەوە، بۆ ڕاگەیاندنی پلانێک  دەربارەی ڕووبەڕووبوونەوەو بەرزبوونەوەی تێچووی وزە لەوڵات.

 یەكێك لەپلانەکەی ئەوەیە، كەئەو دەخوازێت نرخی پارەی وزە لەوەزیاتر بەرز نەكرێتەوە.

هاوكات لەگەڵ ڕاگەیاندنی ئەنجامەكان، پارتی ڕكابەر،  پارتی کرێکاران دەڵێن، خەڵک بێهیوان لەپارتی دەسەڵتدار، لەوەی وەك پێویست، لەقەیرانی خۆراك و وزەدا، بەپێی پێویست هاوكاری ناكرێن و دەبێت خەڵك پلانە تایبەت و نهێنیەكان بزانن.