بەپێی زانیارییە میدیاییەکان، ئەمڕۆ دوو مووشەک ئاراستەی ژمارەیەک لە هێزەکانی ئیسرائیل لە دەوروبەری کفرتبنیت لە قەزای نەبتییە لە باشووری لوبنان کران.
ئاوێنە؛ لە بەرامبەردا، بەرەی ناوخۆی ئیسرائیل لە ناوچەی زرعیت لە جەلیلی ڕۆژئاوا زەنگی ئاگادارکردنەوەی چالاک کرد، ئەمەش دوای ئەوەی گومان لە دزەکردنی فڕۆکەیەکی بێفڕۆکەوان (درۆن) لە لوبنانەوە هەبوو.
سەبارەت بە ڕووداوەکەی زرعیت، سوپای ئیسرائیل و کەناڵی ١٢ی ئیسرائیلی ڕایانگەیاند کە زەنگەکە بەهۆی "دەستنیشانکردنی هەڵە"وە بووە و هیچ فڕۆکەیەکی بێفڕۆکەوان دزەی نەکردووە. هەروەها ئاماژەیان بەوە کرد کە هیچ مووشەکێکی بەرپەرچدەرەوەش نەهەڵدراوە و دۆخەکە بەبێ ڕووداوی ئەمنی زیاتر کۆتایی هاتووە.