بەڕێوەبەرایەتی گشتیی کەشناسی و بوومەلەرزەزانیی هەرێمی کوردستان، نوێترین زانیارییەکانی لەسەر گۆڕانکارییەکانی کەشوهەوا بڵاوکردەوە و ڕایگەیاند کە پێشبینی دەکرێت پلەکانی گەرما بۆ ئەمڕۆ و سبەینێ ڕوو لە بەرزبوونەوەی زیاتر بکەن.
ئاوێنە: بەپێی ڕاگەیەندراوەکەی کەشناسی، ئاسمانی سەرجەم ناوچەکانی هەرێمی کوردستان بە تەواوی ساماڵ دەبێت و کەشێکی سەخت و گەرم ناوچەکە دەگرێتەوە. ئاماژە بەوەش کراوە کە بەراورد بە ڕۆژی ڕابردوو، بۆ ئەمڕۆ و سبەینێش کاروانی بەرزبوونەوەی پلەکانی گەرما بەردەوام دەبێت و ژمارەی نوێ تۆمار دەکرێت.
لە ڕاگەیەندراوەکەدا هاتووە، ناوچەی گەرمیان بە تۆمارکردنی ٤٩ پلەی سیلیزی بە گەرمترین ناوچەی هەرێم دادەنرێت، لە بەرامبەریشدا حاجی ئۆمەران وەک ساردترین و فێنکترین ناوچە دەمێنێتەوە کە تێیدا پێشبینی دەکرێت بەرزترین پلەی گەرما بگاتە ٣٦ پلەی سیلیزی.
سەبارەت بە ڕەوشی با لە ناوچەکەدا، کەشناسی ئەوەی خستووەتەڕوو کە خێرایی با لەسەرخۆ دەبێت و مەودای خێراییەکەی لە نێوان ٥ بۆ ١٠ کیلۆمەتردا دەبێت لە یەک کاتژمێردا.
بەرزترین پلەکانی گەرمای پێشبینیکراو بۆ سبەینێ لە شار و ناوچە جیاوازەکان بەم شێوەیەی خوارەوە دەبن:
گەرمیان: ٤٩ پلەی سیلیزی
هەڵەبجە: ٤٦ پلەی سیلیزی
هەولێر: ٤٥ پلەی سیلیزی
چەمچەماڵ: ٤٥ پلەی سیلیزی
سلێمانی: ٤٤ پلەی سیلیزی
زاخۆ: ٤٤ پلەی سیلیزی
دهۆک: ٤٣ پلەی سیلیزی
پیرمام: ٤١ پلەی سیلیزی
حاجی ئۆمەران: ٣٦ پلەی سیلیزی