دڵشاد شه‌هاب، وتەبێژی سەرۆكایەتی هەرێم رایگه‌یاند، هەندێك لە هێزەكانی رۆژهەڵاتی كوردستان له‌كاتی شه‌ڕی ئێراندا، خەریكی نمایشی سەربازی بون، ئه‌وه‌ش له زیانی هه‌رێمی كوردستان بو.
ئاوێنه: دڵشاد شەهاب، وتەبێژی سەرۆكایەتی هەرێمی كوردستان به روداوی راگه‌یاند، هەندێك لە هێزەكانی رۆژهەڵات لەكاتی شەڕی ئێراندا خەریكی نمایشی سەربازی بون و نمایشی ئەو هێزانە لە زیانی رۆژهەڵاتی كوردستان و هەرێمی كوردستان بو.
به‌بڕوای وته‌بێژی سه‌رۆكایه‌تی هه‌رێم "ئێستا بارودۆخ لەبارنییە بۆ دانوستانی نێوان هێزەكانی رۆژهەڵات و ئێران."
هه‌روه‌ها وتیشی "بەسەركەوتویی لە جەنگی نێوان ئەمریكا و ئێران دەرچوین."
ئاماژه‌ی به‌وه‌شدا "مافی برایانمان لە رۆژهەڵاتی كوردستان نادیدە ناگرین" و "ئەگەر برایانی رۆژهەڵات هاوكار نەبونایە رێككەوتنی ئەمنی جێبەجێنەدەكرا"
ئه‌وه‌شی خسته‌ڕو "هەرێمی كوردستان ئومێدە بۆ هەركوردێك بە برایانمان لە كوردستانی ئێرانیشەوە."