سه‌رۆكایه‌تی هه‌رێم رایده‌گه‌یه‌نێت، نێچیرڤان بارزانی، سه‌رۆكی هه‌رێم، ئێواره‌ی ئه‌مڕۆ یه‌كشه‌ممه، بۆ به‌شداریكردن له كۆبونه‌وه‌ی هاوپه‌یمانی ئیداره‌ی ده‌وڵه‌ت به‌ره‌و به‌غدا به‌ڕێده‌كه‌وێت.
ئاوێنه: سه‌رۆكایه‌تی هه‌رێم له راگه‌یه‌ندراوێكدا وتی، ئێوارەی ئەمڕۆ یەکشەممە 2026/7/12، نێچیرڤان بارزانی، سەرۆکی هەرێمی کوردستان، بە مەبەستی بەشداریکردن لە کۆبونەوەی هاوپەیمانیی ئیدارەی دەوڵەتدا، لەسەر بانگهێشتی هاوپەیمانییەتەکه بەرەو بەغدای پایتەخت بەڕێ دەکەوێت.
وه‌ك سه‌رۆكایه‌تی هه‌رێم ئاماژه‌ی پێداوه، بڕیارە لە کۆبونەوەكەدا، بارودۆخی گشتیی عێراق و دوایین پێشهات و پەرەسەندنەکانی ناوچەکە تاوتوێ بکرێن، هه‌روه‌ها بەرنامەی سەردانی چاوەڕوانکراوی سەرۆکوەزیرانی عێراق بۆ واشنتۆن و کۆبونەوەی لەگەڵ دۆناڵد ترەمپ، سەرۆکی وڵاته یەکگرتوەکانی ئەمه‌ریکا، تەوەرێکی سەرەکیی گفتوگۆکان دەبێت.